Рэлігія. Бешанковіцкі раён
- Подробности
- Створана 07.08.2017 08:40
- Адноўлена 28.03.2019 09:02
На тэрыторыі Бешанковіцкага раёна ажыццяўляюць дзейнасць 15 рэлігійных абшчын, якія прадстаўляюць 3 канфесіі: праваслаўе, каталіцызм і пратэстантызм. З агульнай колькасці абшчын налічваецца 11 – праваслаўных, 2 – рымска-каталіцкія, 2 – пратэстанцкія; 1 абшчына хрысціян веры евангельскай «Евангельская царква «Добрая вестка», 1 абшчына евангельскіх хрысціян баптыстаў «Адраджэнне» г. п. Бешанковічы.
Усяго ў раёне вернікаў розных канфесій, якія рэгулярна наведваюць набажэнствы, больш за 500 чалавек (3% ад агульнай колькасці насельніцтва раёна). Усяго рэлігійныя арганізацыі валодаюць 14-ю культавымі аб'ектамі. 2 культавыя аб'екты належаць каталіцкім суполкам касцёл Найсвяцейшай Тройцы і кляштар дамініканцаў (г. п. Ула), Свята-Троіцкі касцёл (в. Астроўна), 2 культавыя аб'екты належаць пратэстанцкім суполкам, усе яны дзейнічаюць. У праваслаўных суполках – 10 культавых аб'ектаў, з іх дзейнічаюць толькі 6: царква ў імя святога прарока Іліі (г. п. Бешанковічы), царква ў імя свяціцеля Мікалая Цудатворца (в. Слабодка), царква ў гонар Святой Троіцы (г. п. Ула), царква Казанскай Маці Боскай (в. Дарагупава), царква ў імя свяціцеля Мікалая Цудатворца (в. Дабрыгоры), царква ў гонар Ражджаства Прасвятой Багародзіцы (в. Свяча). Не дзейнічаюць 3 культавыя аб'екты, гэта ўсё напаўразбураныя храмы. Рэлігійную дзейнасць у раёне ажыццяўляюць 5 праваслаўных святароў, 1 каталіцкі, 2 пратэстанцкіх. Самым вялікім прыходам з'яўляецца прыход храма Святога прарока Іллі ў г. п. Бешанковічы. Храм Святога прарока Іллі адносіцца да помнікаў архітэктуры, пабудаваных ў другой палове XIX стагоддзя. Богаслужэнні ў храме праходзяць 4 разы на тыдзень і на царкоўныя святы. Пры прыходзе функцыянуе нядзельная школа, якая складаецца з 1 групы, колькасць навучэнцаў – 20 чалавек.
Нягледзячы на невялікую ўдзельную вагу, рымска-каталіцкая царква стаіць на другім месцы па колькасці вернікаў у раёне. Яна аб'ядноўвае больш за 50 хрысціян-католікаў з двух прыходаў. Актывізавалася яе праца пасля рэканструкцыі касцёла ў аграгарадку Ула. Рымска-каталіцкія абшчыны ажыццяўляюць сваю дзейнасць у адпаведнасці з дзеючым заканадаўствам Рэспублікі Беларусь. З 1 верасня 2014 года аднавіла сваю дзейнасць каталіцкая нядзельная школа, колькасць навучэнцаў – 7 чалавек.
Рэлігійная абшчына хрысціян веры евангельскай «Евангельская царква «Добрая вестка» дзейнічае з 1999 года. Лік яе прыхільнікаў у раёне невялікі – 5 чалавек.
У раёне быў распрацаваны і рэалізаваны «План мерапрыемстваў па развіцці канфесійнай сферы, нацыянальных адносін на 2011–2015 гады», у рамках якога было прадугледжана цеснае супрацоўніцтва раённых службаў і ведамстваў з рэлігійнымі суполкамі.
У выхаваўчай рабоце школ выкарыстоўваюцца элементы праваслаўнай хрысціянскай педагогікі. Стала традыцыйным запрашэнне праваслаўных святароў на розныя сустрэчы з навучэнцамі па пытаннях выхавання, а таксама сумесныя мерапрыемствы, прысвечаныя праваслаўным святам. У пяці школах раёна працуе факультатыў «Духоўна-маральнае выхаванне малодшых школьнікаў на праваслаўных традыцыях беларускага народа».
Гісторыя і культура рэлігіі – накірунак дзейнасці Бешанковіцкай цэнтралізаванай бібліятэчнай сістэмы. Дзіцячая раённая бібліятэка працуе па праграме «Духоўнасць, дзеці, кніга», прыярытэтнымі напрамкамі якой з'яўляюцца пытанні духоўнага адраджэння. У Бешанковіцкім гісторыка-краязнаўчым музеі штогод праводзяцца тэматычныя выставы з фондаў музея «Святло праваслаўнай іконы», «Прыгажосць і святасць».
ЛІТАРАТУРА
1. Бешенковическое благочиние // Храмы и приходы Витебской Епархии Белорусской Православной Церкви : справочник / сост. А. Матвеев, Н. Дубенецкий. – Витебск, 2002. – С. 105–114.
2. Бешенковичский район : [буклет] / Отдел идеологической работы Бешенков. района. – Витебск : Витебская областная типография, 2005. – С. 17.
3. Витебская епархия. Монастыри, храмы и приходы : справочник / сост. А. Матвеев. – Минск : Белорусская Православная Церковь, 2009. – С. 75–80.
4. Ворошко, С. Голос храма, зовущий издалека // Зара (Бешанковічы). – 2009. – 7 жн. С. 2.
5. Инчин, А. Достоверны ли «Записки Игумена Ореста»? / А. Инчин // Зара (Бешанковічы). – 2014. – 9 верас. – С. 3.
6. Крачкоўскі, А. Моладаўскі звон / А. Крачкоўскі // Зара (Бешанковічы). – 2002. – 27 крас. – С. 2.
7. Леаненка, С. «Прыйшоў час збіраць камяні» / С. Леаненка // Зара (Бешанковічы). – 2015. – 24 лістап. – С. 3.
8. Ляхоўская, К. Купанне ў іардані – ачышчае душы і цела / К. Ляхоўская // Зара (Бешанковічы). – 2017. – 24 студз. – С. 3.
9. Степанищева, В. С милосердием к ближнему / В. Степанищева // Народнае слова. – 2002. – 12 кастр. – С. 4–5.
СПАСЫЛКІ
