
Электронны каталог
- Details
- Створана 27.06.2012 14:18
З 1995 года бібліятэка працуе з праграмай АLIS, якая дазваляе аўтаматызаваць асноўныя бібліятэчныя працэсы. Вынікам працы з'яўляецца электронны каталог (ЭК) – бібліятэчны даведачна-пошукавы апарат, які аб'ядноўвае і сістэматызуе рэсурсы бібліятэкі.
ЭК даступны ў рэжыме on-line ў сетцы інтэрнэт з галоўнай старонкі сайта і ў лакальнай бібліятэчнай сетцы ў зале каталогаў абласной бібліятэкі.Элементы пошуку ў ЭК: загаловак, аўтар, персаналіі, словаформы, ключавыя словы, індэкс ББК, год выдання і інш.
На гэты момант электронны каталог бібліятэкі ўключае ў сябе інфармацыю наступных баз даных.
База даных «Кнігі» |
Універсальная па змесце. Уключае бібліяграфічныя апісанні рэтраспектыўных і новых паступленняў кніг, брашур, дакументаў на электронных носьбітах, карт, альбомаў, ДАСТаў.
Пачатак стварэння БД – 1995 год.
База даных «Аўтарэфераты» |
Універсальная па змесце. Уключае бібліяграфічныя апісанні аўтарэфератаў кандыдацкіх і доктарскіх дысертацый, выдадзеных у Беларусі і тых, што паступаюць ў фонд бібліятэкі, пачынаючы з 2000 года.
Пачатак стварэння БД – 2006 год.
База даных «Краязнаўства» |
Універсальная па змесце. З'яўляецца найбольш поўнай крыніцай звестак па любым пытанні вывучэння краю. Уключае бібліяграфічныя апісанні кніг, брашур, выяўленчых выданняў, картаграфічных выданняў, артыкулаў з кніг, зборнікаў, перыядычных выданняў.
Пачатак стварэння БД – 1997 год.
База даных «Нямецкая літаратура» |
Уключае бібліяграфічныя апісанні кніг, брашур, выяўленчых выданняў, картаграфічных выданняў, аўдыёкасет, відэакасет, кампакт-дыскаў, якія па змесце маюць дачыненне да Германіі.
Пачатак стварэння БД – 1998 год.
База даных «Каталог часопісаў» |
Уключае бібліяграфічныя апісанні часопісаў, якія атрымлівае бібліятэка.
Пачатак стварэння БД – 2008 год.
База даных «Мастацтва» |
Змяшчае асноўныя і аналітычныя бібліяграфічныя апісанні нотных выданняў, музычных твораў з нотных выданняў і перыядычнага друку з 2000 года; раскрывае фонд аўдыёвізуальных матэрыялаў, уключае бібліяграфічныя апісанні грампласцінак, кампакт-дыскаў з 2001 года; ўключае бібліяграфічныя апісанні выяўленчых дакументаў: асобных рэпрадукцый, рэпрадукцый з перыядычных выданняў, фотаматэрыялаў з 2002 года.
Пачатак стварэння БД – 2000 год.
База даных «Артыкулы» |
Уключае бібліяграфічныя апісанні артыкулаў з перыядычных выданняў, якія атрымлівае бібліятэка, пачынаючы з 1997 года па ўсіх галінах ведаў.
База даных «Электронныя дакументы» |
Уключае бібліяграфічныя апісанні электронных дакументаў універсальнай тэматыкі на CD-ROM, DVD-ROM.
Пачатак стварэння БД – 2014.


































