Афганистан. Без права на забвение

Афганистан. Без права на забвение

Афганистан. Без права на забвение

Художники Витебщины

Художники Витебщины

Художники Витебщины

Аркестр народны народных інструментаў. Бешанковіцкі раён, г. п. Бешанковічы

Бешанковіцкі народны аркестр народных інструментаў створаны ў 1980 годзе ў г. п. Бешанковічы пры раённым Доме культуры. У складзе аркестра 37 чалавек. Асноўныя мэты дзейнасці калектыву – развіццё мастацкай культуры і эстэтычнага густу ўдзельнікаў аркестра, павышэнне іх выканальніцкага майстэрства, прапаганда беларускай культуры, папулярызацыя народных інструментаў і народнай музыкі, твораў беларускіх кампазітараў.

У рэпертуары аркестра творы і песні беларускіх і замежных кампазітараў («Бярозка» І. Лучанка, «Каліна-ягада» Л. Захлеўнага, «Лірычная мелодыя», «Лявоніха» Я. Глебава, «Антракт да 4 дзеяння оперы «Кармэн» Ж. Бізэ, «Жаданне», «Чары» Ф. Шапэна і інш.).

За высокае выканальніцкае майстэрства, творчае развіццё нацыянальных традыцый і актыўную канцэртную дзейнасць у 1986 годзе калектыву было прысвоена званне «народны».

Калектыў – дыпламант і ўдзельнік усебеларускага фестывалю народнага мастацтва «Беларусь – мая песня» (2004).

 

ЛІТАРАТУРА

1. Бешанковіцкі народны аркестр народных інструментаў // Культура Беларусі : энцыклапедыя : [у 6 т.] / рэдкал. : Т. У. Бялова [і інш.]. – Мінск : БелЭн імя П. Броўкі, 2010. – Т. 1 : А–Б. – С. 673.

2. Дубро, Ю. У оркестра юбилей / Ю. Дубро // Зара (Бешанковічы). – 2010. – 20 ліп. – С. 2.

3. Людына, А. Аркестр пацвердзіў званне «народны» / А. Людына // Зара (Бешанковічы). – 2013. – 16 крас. – С. 4.