Ансамбль народны песні «Прызбачка». Докшыцкі раён, в. Валкалаты

Подробности

Створана 13.08.2019 12:23

Адноўлена 13.08.2019 14:51

Народны ансамбль песні «Прызбачка» Валкалацкага СДК створаны ў 2001 годзе. Мастацкі кіраўнік, ён жа акампаніятар-акардэаніст – Уладзімір Часлававіч Чыкун. Ансамбль народнай песні «Прызбачка» адрозніваецца высокай сцэнічнай культурай, далікатным лірызмам і народным каларытам у выкананні кожнага песеннага твора. У рэпертуары звыш ста песенных твораў, беларускіх, украінскіх і рускіх. Галоўным жа творчым напрамкам у дзейнасці калектыву – прапаганда беларускай народнай песні. Шэраг іх запісалі і развучылі з дапамогай мясцовай, як кажуць спецыялісты, носьбіткі фальклору – Алены Шылько.

Фірменная, ці, як зараз кажуць, «візітка», – «Валкалацкая прызба». Музыка Уладзіміра Чыкуна, а тэкст напісала настаўніца беларускай мовы і літаратуры мясцовай сярэдняй школы Алена Несцяронак.

Вось ужо звыш пятнаццаці гадоў самадзейныя артысты радуюць гледачоў сваім майстэрствам. Часцей чым дзе «Прызбачка» выступае у роднай вёсцы, у Докшыцах, а таксама на Мядзельшчыне (Мінская вобласць), на Глыбоччыне. Спявалі ў Оршы, у тым ліку на рэспубліканскім свяце-кірмашы «Дажынкі».

ЛІТАРАТУРА

1. Альшэўская, Т. Калі спявае «Прызбачка» / Т. Альшэўская // Родныя вытокi (Докшыцы). – 2008. – 23 лют. – С. 3.

2. Курдзека, М. Канцэрт «Прызбачкі» – заўсёды свята / М. Курдзека // Родныя вытокі (Докшыцы). – 2013. – 15 чэрв. – С. 4.

3. Малько, Т. Валкалата – 10 балаў! / Т. Малько // Родныя вытокi (Докшыцы). – 2007. – 18 ліп. – С. 3.

4. Несцяронак, А. Дарыць радасць / А. Несцяронак // Родныя вытокі (Докшыцы). – 2017. – 12 крас. – С. 8.

5. Шпакоўская, Г. Валкалацкая «Прызбачка» / Г. Шпакоўская // Народнае слова. – 2011. – 8 лют. – С. 7.