Млын вадзяны. Талачынскі раён

Подробности

Створана 30.01.2020 09:34

Адноўлена 30.01.2020 14:16

За 12 км на паўднёвы ўсход ад Талачына, на р. Крывая, знаходзіцца добра захаваны да нашых дзён будынак, у якім быў вадзяны млын.

Узведзены з чырвонай цэглы ў другой палове ХІХ ст.

Гэта быў трохпавярховы прамавугольны ў плане будынак з двухсхільным дахам, да якога прымыкала аднапавярховае працоўнае памяшканне.

Масіўныя сцены прарэзаны невялікімі прамавугольнымі вокнамі. На першым паверсе знаходзілася турбіна, на другім – жорны, на трэцім – гаспадарчыя памяшканні.

Млын належыў памешчыку Гардзялкоўскаму і функцыянаваў да 30-х гадоў ХІХ ст.

Пастановай Савета Міністраў Рэспублікі Беларусь № 1288 ад 3 верасня 2008 года гэтаму будынку нададзены статус гісторыка-культурнай каштоўнасці.

ЛІТАРАТУРА

1. Орловский, А. Здесь была мельница / А. Орловский, С. Иванов // Наша Талачыншчына. – 2009. – 5 верас. – С. 4.

2. Пяць прычын наведаць Талачынскі раён / падрыхт. Н. Чарнічэнка // Віцьбічы = Витьбичи. – 2019. – 16 февр. – С. 5–6.