Афганистан. Без права на забвение

Афганистан. Без права на забвение

Афганистан. Без права на забвение

Художники Витебщины

Художники Витебщины

Художники Витебщины

Фестываль «Яблычны Спас». Шаркаўшчынскі раён, в. Алашкі

Больш за 20 гадоў у жніўні ў в. Алашкі Шаркаўшчынскага раёна праводзіцца абласное свята, прысвечанае вядомай асобе – садоўніку-селекцыянеру І. П. Сікору, які адзін з першых у Еўропе распрацаваў метады лячэння і амаладжэння пладовых дрэў. Ён вывеў гатунак яблыкаў з павышанай марозаўстойлівасцю, адзін з лепшых па смакавых якасцях сярод беларускіх гатункаў яблыкаў, якому далі назву «Памяць Сікоры».

Фестываль праводзіцца з мэтай ушанавання памяці знакамітага земляка І. П. Сікоры, захавання культурнай спадчыны Шаркаўшчынскага раёна, развіцця сувязяў паміж рознымі творчымі калектывамі, а таксама паміж аматарамі садаводства, кветкаводства і пчалярства, далучэння насельніцтва да нацыянальных традыцый і духоўнай спадчыны, садзейнічання пазнавальнай актыўнасці насельніцтва ў галіне мастацтва, культуры быту, экалогіі.

Маштабнасць свята з кожным годам расце. У апошнія 5 гадоў яно перарасло ў інтэрактыўны фестываль. Мерапрыемства ўмяшчае ў сябе некалькі сфер турызму: рэлігійнага, бо фестываль праводзіцца ў даты праваслаўных свят (Мядовы, Яблычны і Арэхавы Спасы); гісторыка-культурнага – частка мерапрыемстваў прысвечана гістарычнай асобе – садоўніку І. П. Сікору; экалагічнага – усе мерапрыемствы праходзяць у яблыневым садзе, у вёсцы.

Фестываль насычаны пляцоўкамі з актыўнымі заняткамі для розных узроставых катэгорый. На тэрыторыі свята можна паспрабаваць і купіць прадукцыю з яблыкаў, мёд, сувеніры і многае іншае, а таксама паўдзельнічаць у майстар-класах і квэсце па гісторыі малой Радзімы.

Пра мерапрыемства станоўча пішуць СМІ. Распрацаваны турыстычны брэнд, звязаны з фестывалем – на лагатыпе брэнда намаляваны яблык.

На свята прыязджаюць турысты з Латвіі, Літвы, Расіі.

У 2016–2017 гг. свята было ўключана ў фестываль інтэрнацыянальнага сяброўства «Беларускае лета» у рамках міжнародных спаборніцтваў па ўсходнім адзінаборстве Спачан (бітва на мячах) як турыстычны прадукт, які ўяўляе частку нацыянальнай культуры Рэспублікі Беларусь.

Самым маштабным фестываль быў у 2017 годзе, калі ўдзел у ім прынялі творчыя калектывы і рамеснікі з Латвіі, Літвы, Расіі, беларускія і латышскія консулы, міністр культуры і кіраўнікі абласнога ўпраўлення, прадстаўнікі Міністэрства спорту і турызму, кіравання, прадстаўнікі турфірмаў.

У 2014 годзе фестываль «Яблычны Спас» быў прызнаны лепшым іміджавым мерапрыемствам у сферы падзейнага турызму.

 

Брэнд фестывалю «Яблычны Спас». Шаркаўшчынскі раён. Фотаздымак з сайта http://vitebsk-region.gov.byКанцэрт падчас фестывалю «Яблычны Спас». Шаркаўшчынскі раён. Фотаздымак з сайта http://www.vitbichi.by

ЛІТАРАТУРА

1. Бандаронак, І. Светлы Яблычны Спас – Сікораўскай душы часцінка / І. Бандаронак // Клiч Радзiмы (Шаркаўшчына). – 2004. – 1 верас. – С. 2.

2. Берніковіч, Д. Шыкоўнае свята ў алашкаўскім садзе / Д. Берніковіч // Витебские вести. – 2018. – 21 авг. – С. 5.

3. Евгеньева, Е. Сикоровской души частица / Е. Евгеньева, Н. Писаренко // Віцьбічы = Витьбичи. – 2013. – 20 авг. – С. 1–2.

4. Захараў, А. Яблыкі, яшчэ раз яблыкі... / А. Захараў // Беларусь. – 2017. – № 10. – С. 36–37.

5. Лупач, З. У Глыбокім – вішня, у Малых Алашках – яблык / З. Лупач // Вольнае Глыбокае. – 2013. – 22 жн. – С. 6.

6. Райчонак, С. Зноў паклікаў усіх нас у сад Сікоры светлы Спас / С. Райчонак // Кліч Радзімы (Шаркаўшчына). – 2013. – 24 жн. – С. 2.

7. Райчонак, С. Памяць пра Сікору жыве, або Яблыневы сад не прыйшоў у заняпад / С. Райчонак // Кліч Радзімы (Шаркаўшчына). – 2018. – 18 жн. – С. 2–3.

8. Райчонак, С. «Яблычны спас – 2019»: свята, якое яднае сэрцы і душы людзей / С. Райчонак // Кліч Радзімы (Шаркаўшчына). – 2019. – 21 жн. – С. 1, 3.

9. Райчонак, С. Яблычны Спас у Алашках – свята з традыцыямі / С. Райчонак // Кліч Радзімы (Шаркаўшчына). – 2017. – 19 жн. – С. 1, 3.

10. Райчонак, С. «Яблычны фэст» на радзіме Сікоры / С. Райчонак // Кліч Радзімы (Шаркаўшчына). – 2015. – 22 жн. – С. 1.

11. Сауліч, У. Прыйшоў Спас – і лета ад нас / У. Сауліч // Віцебскі рабочы. – 2012. – 23 жн. – С. 15.

12. Сауліч, У. «Светлы Яблычны Спас – Сікораўскай душы часцінка» / У. Сауліч // Белорусская нива. – 2013. – 20 авг. – С. 5.

13. Сауліч, У. Яшчэ сікораўскія прышчэпы / У. Сауліч // Сельская газета. – 2019. – 20 авг. – С. 1, 12.

14. Сосна, К. Яблычны Спас у Малых Алашках / К. Сосна // Кліч Радзімы (Шаркаўшчына). – 2009. – 9 верас. – С. 3.