Дзядзінкіна Святлана Уладзіміраўна нарадзілася 2 кастрычніка 1961 года. Пісьменніца, журналіст. Член Саюза журналістаў Беларусі. Член Саюза пісьменнікаў Беларусі.

У 1979 годзе закончыла сярэднюю школу № 7 г. Баранавічы і паступіла на факультэт журналістыкі Беларускага дзяржаўнага ўніверсітэта.

У 1984 г. закончыла вучобу ў БДУ і пачала працаваць карэспандэнтам абласной газеты «Віцебскі рабочы». З 1991 па 2006 год працавала загадчыкам аддзела экалогіі і праблем навакольнага асяроддзя абласной газеты «Народнае слова». Акрамя экалагічнай тэматыкі многа пісала па праблемах маралі і права. Выкладала журналісцкія дысцыпліны ў Віцебскім дзяржаўным універсітэце імя П.М. Машэрава для студэнтаў, якія праходзілі навучанне па спецыяльнасці «Літаратурная работа ў газетах і часопісах».

З 2006 па 2011 гады – уласны карэспандэнт рэспубліканскага выдання «Народная газета».

З лютага 2011 г. па чэрвень 2024 г. – галоўны спецыяліст Галоўнага ўпраўлення ідэалагічнай работы і па справах моладзі Віцебскага аблвыканкама.

З лістапада 2024 г. працуе стылістычным рэдактарам абласной газеты «Витебские вести».

На працягу вучобы ва ўніверсітэце мела шмат публікацый у рэспубліканскім друку. Друкавалася ў навуковых выданнях, газеце «ЛіМ», у часопісах «Родная прырода», «Неман», «Журналіст».

У 2009 годзе ў выдавецтве «Мастацкая літаратура» выйшла першая кніга «Бабраня на Бузянцы», у 2014 годзе – «Юшка Вялеса». У 2023 г. у выдавецтве «Беларусь» – кніга «Река памяти». Дзявочае прозвішча – Гук, выкарыстана ў першых двух кнігах.

У маі 2024 г. прынята ў Саюз пісьменнікаў Беларусі.

Неаднаразова ўзнагароджвалася Ганаровымі граматамі Віцебскага абласнога выканаўчага камітэта, выходзіла пераможцай абласных журналісцкіх конкурсаў у розныя гады. Лаўрэат абласной літаратурнай прэміі імя Пятруся Броўкі.

Жыве ў Віцебску.

ЛІТАРАТУРА

1. Андрэева, В. Дзеткам аб прыродзе / В. Андрэева // Народнае слова. – 2009. – 27 кастр. – С. 4.

2. Дзядзінкіна, С. Люстэрка дзён маіх : эсэ / Святлана Дзядзінкіна // Літаратура і мастацтва. – 2024. – 15 лістап. – С. 9.

3. Дзядзінкіна, С. Пра самае галоўнае поле / С. Дзядзінкіна // Витебские вести. – 2017. – 16 сент. – С. 7.

4. Дзядзінкіна, С. У. Вандроўка ў часе і прасторы / С. У. Дзядзінкіна ; гутарыла В. Маслоўская // Витебские вести. – 2014. – 12 июля. – С. 13.

5. Краснова, Д. Лепшыя на Віцебшчыне / Д. Краснова // Літаратура і мастацтва. – 2015. – 3 крас. – С. 2.

6. Півавар, М. Дзядзінкіна Святлана / М. Півавар // Краязнаўцы Віцебшчыны 2–й паловы XX – пачатку XXI ст. : біябібліяграфічны даведнік / М. В. Півавар. – Мінск : Кнігазбор, 2010. – С. 98–99.

7. Прыняты ў СПБ // Літаратура і мастацтва. – 2024. – 24 мая. – С. 2.

8. Пятушка, Т. Сустрэча ў літаратурнай гасцёўні / Т. Пятушка // Браслаўская звязда. – 2014. – 2 ліп. – С. 4.

9. Святлана Дзядзінкіна [Відэазапіс] // Суразмоўцы : [аўт. праграма паэта і публіцыста Навума Гальпяровіча]. – 29 лістап. 2025. – Час прайгравання: 00:00:30–00:15:58. – URL:https://www.youtube.com/watch?v=Nl6tVuoJH5g&list=PLmGv3zIr0LKCKlWfXx8o0r4uSdNTcw6Z1&index=60.

10. Шпакоўская, Г. Уручана прэмія імя Петруся Броўкі / Г. Шпакоўская // Витебские вести. –2015. – 24 марта. – С. 2.