
Прэзентацыя кнігі Андрэя Уладзіміравіча Пуртава «Они сражались со смертью: медицина Россонского района 1941–1944»
- Details
- Створана 12.05.2014 14:43
13 мая ў бібліятэцы адбылася прэзентацыя кнігі Андрэя Уладзіміравіча Пуртава «Они сражались со смертью: медицина Россонского района 1941–1944». Аўтар кнігі – медыцынскі работнік, загадчык паліклінікі УАЗ «Россонская ЦРБ», які займаецца вывучэннем гісторыі медыцыны Расонскага краю.
Андрэй Уладзіміравіч расказаў пра гісторыю стварэння кнігі, лёс ваенных медыкаў, чыё жыццё так ці інакш было звязана з Расоншчынай.
Пра Героя Савецкага Саюза, франтавую медыцынскую сястру Зінаіду Міхайлаўну Тусналобаву-Марчанка расказала старшы навуковы супрацоўнік Музея баявой Славы г. Полацка Ірына Вікенцьеўна Сырэвіч. Удзельнікі сустрэчы паглядзелі дакументальную стужку пра гэту гераічную жанчыну.
Выступленне супрацоўніка музея гісторыі УА «ВДМУ» Надзеі Іванаўны Васіленкі было прысвечана ветэранам-медыкам. Сваімі ўспамінамі падзяліўся ўдзельнік Вялікай Айчыннай вайны, дацэнт УА «ВДМУ» Яўген Восіпавіч Непакайчыцкі.
Актуальнасць і значнасць кнігі для сённяшняга і будучых пакаленняў падкрэсліў вядомы віцебскі гісторык-краязнавец Аркадзь Міхайлавіч Падліпскі.
Студэнт 6 курса лячэбнага факультэта УА «ВДМУ» Ягор Шыманка выканаў патрыятычныя песні.
Да мерапрыемства супрацоўнікамі аддзела краязнаўчай літаратуры і бібліяграфіі была падрыхтавана ілюстрацыйна-кніжная выстава «Верность милосердию».


































