
Прэзентацыя кнігі Святланы Гук (Дзядзінкінай) «Юшка Вялеса»
- Details
- Створана 14.11.2014 09:12
11 лістапада ў бібліятэцы адбылася прэзентацыя кнігі «Юшка Вялеса» журналісткі, краязнаўцы, пісьменніцы Святланы Уладзіміраўны Гук (Дзядзінкінай). Гэта другі твор аўтара ў серыі «Скарбы роднай прыроды» і прысвечаны ён легендам і гісторыі Браслаўшчыны, яе прыроднай спадчыне.
У пачатку прэзентацыі прысутным была прапанавана выбарка фотаздымкаў краявідаў Браслаўшчыны вядомага фотамастака Сяргея Плыткевіча, якія паслужылі ілюстрацыямі для кнігі. З вялікай цікавасцю слухалі госці ўрыўкі з кнігі, задавалі пытанні.
Загадчык кафедры беларускай літаратуры ВДУ імя П. М. Машэрава, кандыдат філалагічных навук, дацэнт, паэтэса Вольга Іванаўна Русілка адзначыла вялікую педагагічную каштоўнасць кнігі. Кандыдат гістарычных навук, краязнавец Мікалай Васільевіч Півавар нагадаў пра вялікі ўклад Святланы Гук у развіццё краязнаўства Віцебшчыны.
Напрыканцы прэзентацыі Святлана Уладзіміраўна падзялілася з прысутнымі сваімі творчымі планамі і прачытала ўрывак з дарожных нататкаў пра сваё падарожжа на Салавецкі архіпелаг, над якімі працуе зараз.


































