
Кніжная спадчына Францыска Скарыны ў фондзе бібліятэкі
- Details
- Створана 14.11.2014 14:06
Фонд Віцебскай абласной бібліятэкі папоўніўся ўнікальнымі выданнямі – першымі пяццю ўзноўленымі тамамі з поўнага збору прац беларускага першадрукара. Праект па факсімільным узнаўленні кніжнай спадчыны Скарыны рэалізуецца Нацыянальнай бібліятэкай Беларусі пры фінансавай падтрымцы Банка БелЗЭБ.
12 лістапада ў Полацкім дзяржаўным універсітэце прайшла прэзентацыя і перадача факсімільных выданняў у фонды абласной бібліятэкі і цэнтральных бібліятэк Віцебскай вобласці. Ва ўрачыстай цырымоніі прынялі ўдзел дырэктар Нацыянальнай бібліятэкі Беларусі Р.С. Матульскі, дырэктар Віцебскай абласной бібліятэкі Т.М. Адамян, спецыялісты і кіраўнікі публічных бібліятэк вобласці. Узноўленыя помнікі старажытнабеларускай культуры ў хуткім часе стануць даступнымі для чытачоў.


































