
Прэзентацыя факсімільнага выдання Тураўскага Евангелля (XI ст.)
- Details
- Створана 26.11.2014 13:25
25 лістапада ў бібліятэцы адбылася прэзентацыя факсімільнага выдання Тураўскага Евангелля – помніка старажытнаславянскай пісьменнасці XI стагоддзя. Перавыданне Тураўскага Евангелля стала працягам доўгатэрміновага праекта Нацыянальнай бібліятэкі Беларусі і прадстаўніцтва кампаніі Xerox у Беларусі па аднаўленні беларускіх помнікаў пісьменства.
У мерапрыемстве прынялі ўдзел начальнік аддзела культуры Галоўнага ўпраўлення ідэалагічнай работы, культуры і па справах моладзі Віцебскага аблвыканкама П.М. Падгурскі, намеснік дырэктара па навуковай рабоце і выдавецкай дзейнасці Нацыянальнай бібліятэкі Беларусі, адказны рэдактар факсімільнага выдання, кандыдат культуралогіі А.А. Суша, першы прарэктар Віцебскай Духоўнай семінарыі протаіерэй Канстанцін Ізафатаў, кандыдат гістарычных навук, загадчык кафедры гісторыі Беларусі ВДУ імя П.М. Машэрава А.М. Дулаў, дырэктар Віцебскага абласнога краязнаўчага музея Г.У. Савіцкі і інш. Урачыстасць прэзентацыі надавалі творы ў выкананні жаночай вакальнай групы «Благо» аддзела рэлігійнай адукацыі і катэхізацыі Віцебскай епархіі Беларускай праваслаўнай царквы (кіраўнік В. Янчанка). Падчас мерапрыемства адбылася перадача факсіміле Тураўскага Евангелля прадстаўнікам устаноў культуры і адукацыі Віцебскай вобласці.


































