
Творчая майстэрня «У чаканні Вялікадня»
- Details
- Створана 22.04.2015 14:55
31 сакавіка, 2, 6, 7 красавіка супрацоўнікі Нямецкай чытальнай залы правялі для школьнікаў творчыя майстэрні, прымеркаваныя да святкавання Вялікадня.
Які сэнс закладзены ў святкаванні Вялікадня, якімі традыцыямі яго святкаванне суправаджаецца ў Германіі – пра гэта і многае іншае дзецям распавядалі бібліятэкары. Увазе школьнікаў былі прадстаўлены пазнавальныя мультыплікацыйныя і дакументальныя фільмы на велікодную тэматыку, а таксама інтэлектуальныя гульні. Прагляд кінакнігі «Die Häschenschule» з'явіўся для дзяцей незвычайным і цікавым заняткам. На гэты раз творчая майстэрня ўяўляла сабой падрыхтоўку святочнага велікоднага стала. Пра тое, як правільна накрыць і аформіць стол, распавялі і паказалі навучэнцам бібліятэкары Нямецкай залы. Дзецям прапаноўвалася прынесці зробленыя сваімі рукамі яйкі для ўпрыгожвання велікоднага дрэва. Паколькі ўсе работы атрымаліся арыгінальнымі і прыгожымі, прызамі былі ўзнагароджаны ўсе ўдзельнікі. Мерапрыемствы праводзіліся на нямецкай мове.


































