
Інфармацыйна-асветніцкая дабрачынная акцыя «За активное долголетие»
- Details
- Створана 07.10.2015 14:20
![]()
З 30 верасня па 4 кастрычніка праводзілася інфармацыйна-асветніцкая дабрачынная акцыя «За активное долголетие», арганізаваная сумесна з Віцебскай абласной арганізацыяй Беларускага Таварыства Чырвонага Крыжа, прымеркаваная да Дня пажылых людзей.
30 верасня ў Віцебскай абласной бібліятэцы быў праведзены Дзень прававых ведаў і бяспекі. Начальнік аддзялення агітацыі і прапаганды ДАІ УУС Віцебскага аблвыканкама А. Ю. Сярогіна выступіла з паведамленнем «Безопасность пожилых людей на дороге». Загадчык першай Віцебскай натарыяльнай канторы І. Л. Каваленка асвятліла пытанні наследавання маёмасці. Загадчык аддзела «Публічны цэнтр правой інфармацыі» Віцебскай абласной бібліятэкі С. Г. Курсо расказала пра паслугі і інфармацыйныя рэсурсы аддзела. Супрацоўнікі агульнай чытальнай залы і аддзела перыядычнай літаратуры падрыхтавалі бібліятэчную выставу «Пусть будет теплой осень жизни».
1 кастрычніка ў Віцебскай абласной бібліятэцы адбыўся круглы стол, прысвечаны Міжнароднаму дню пажылых людзей. З прывітальным словам да ўдзельнікаў звярнулася старшыня Віцебскай абласной арганізацыі Беларускага Таварыства Чырвонага Крыжа Г. П. Жаланава. У пасяджэнні круглага стала прынялі ўдзел старшыня Віцебскага абласнога аб'яднання ветэранаў Г. М. Ягораў, намеснік старшыні Віцебскай абласной арганізацыі ГА «Беларуская асацыяцыя былых непаўналетніх вязняў фашызму» М. М. Лузгін. Пра праекты з актыўным удзелам пажылых людзей прысутных пазнаёміла галоўны спецыяліст па арганізацыйна-метадычнай рабоце Віцебскай абласной арганізацыі Беларускага Таварыства Чырвонага Крыжа Т. А. Дробыш. Галоўны бібліятэкар аддзела бібліятэказнаўства Т. М. Лузан выступіла з паведамленнем «Библиотека как информационно-образовательный и досуговый центр для людей старшего поколения: из опыта работы библиотек Витебской области».
2 і 3 кастрычніка пажылыя людзі наведалі культурна-гістарычны комплекс «Залатое кальцо г. Віцебска "Дзвіна"» і прынялі ўдзел у міні-марафоне.
4 кастрычніка ў Віцебскай абласной бібліятэцы прайшоў Дзень стылю і прыгажосці. Усе жадаючыя маглі прыняць удзел у майстар-класах «Макияж с учетом возрастных особенностей» і «Женская повседневная прическа», паглядзець выступленне тэатра адзення і пластыкі «Настроение» (кіраўнік Лілія Ганцэвіч). Супрацоўнікі бібліятэкі падрыхтавалі выставу літаратуры «Продлись, продлись, очарованье...».


































