
Адкрыццё мастацкай выставы Уладзіміра Вітко
- Details
- Створана 22.01.2016 10:05
Да Года культуры
20 студзеня ў бібліятэцы адбылося адкрыццё выставы члена Беларускага саюза мастакоў Уладзіміра Вітко і прэзентацыя яго кнігі «Лёс і мастацтва». Мерапрыемства прайшло ў рамках новага бібліятэчнага праекта «Адлюстраванне», прысвечанага Году культуры.
На выставе прадстаўлена 40 работ мастака розных гадоў, напісаныя ў розных тэхніках. Гэта рэалістычныя партрэты і пейзажы, стылізаваныя працы, блізкія да абстракцыі, фантазійныя і філасафічныя кампазіцыі.
На сустрэчы была прадстаўлена кніга Уладзіміра Вітко «Лес і мастацтва», якая стала працягам аўтабіяграфічнай кнігі «Белыя воблакі» (2001). Новая кніга ўключыла дзённікавыя запісы мастака, яго вершы, артыкулы з газет і часопісаў, выказы сучаснікаў пра У. Вітко. Выданне праілюстравана графічнымі работамі мастака.
На сустрэчы з Уладзімірам Вітко выступілі мастацтвазнаўца М. Цыбульскі, мастакі В. Шамшур, Ю. Зуеў, А. Ільіноў, У. Напрэенка, А. Кірушкін, паэты А. Іваноў, Н. Салаўёва, Б. Беляжэнка, загадчык віцебскім Мастацкім музеем В. Акуневіч, дырэктар Віцебскага раённага гісторыка-краязнаўчага музея Л. Якаўлева, дырэктар Дзяржаўнага архіва Віцебскай вобласці Т. Свістунова, сябры і прыхільнікі таленту мастака. Уладзімір Вітко падарыў свае кнігі абласной бібліятэцы, віцебскім музеям, гасцям сутрэчы.
На кніжна-ілюстрацыйнай выставе «Уладзімір Вітко. Лёс і мастацтва» ў аддзеле літаратуры па мастацтве прадстаўлены дакументы з фонду бібліятэкі і асабістага архіва мастака: кнігі, альбомы, артыкулы з перыядычных выданняў, асобныя рэпрадукцыі, фатаграфіі.


































