
Трэнінг «Вітайма разнастайнасць, альбо Што такое міжкультурная кампетэнцыя?»
- Details
- Створана 01.03.2016 06:22
27 лютага ў нямецкай чытальнай зале прайшоў трэнінг для моладзі па развіцці міжкультурнай кампетэнцыі «Вітайма разнастайнасць, альбо Што такое міжкультурная кампетэнцыя?».
Псіхолаг Валянціна Ракецкая (г. Мінск) запрасіла ў падарожжа ў свет міжкультурнай камунікацыі. Удзельнікі трэнінгу пазнаёміліся з культурнымі асаблівасцямі прадстаўнікоў розных нацыянальнасцей, даведаліся, якія складанасці прыносяць і чым нас узбагачаюць культурныя адрозненні і як лепш зразумець іншы менталітэт, не адмаўляючы сваю ўласную ідэнтычнасць. Мерапрыемства было прымеркавана да Года культуры і праводзілася на беларускай мове.


































