
Свята мастацкай творчасці дзяцей «Да вытокаў народнай культуры»
- Details
- Створана 20.05.2016 06:49
25 мая супрацоўнікамі аддзела дзіцячай літаратуры ў агульнай чытальнай зале было арганізавана свята мастацкай творчасці дзяцей «Да вытокаў народнай культуры», прымеркаванае да Года культуры.
У мерапрыемстве прыняў удзел тэатральны калектыў «Вясёлка» ДУДА «Цэнтр творчасці дзяцей і моладзі Першамайскага раёна г. Віцебска» пад кіраўніцтвам Аксаны Ключко. Марыя Ганчарова і Ганна Елісеенка – салісткі вакальна-эстраднай студыі «Серпанцін» пад кіраўніцтвам Галіны Чарнышовай з ДУДА «Віцебскі абласны палац дзяцей і моладзі» здзівілі звонкімі галасамі і вясёлымі песнямі. Яркімі і запамінальнымі былі выступленні калектываў ДУА «СШ № 33 г. Віцебска»: ансамбля лыжачнікаў пад кіраўніцтвам Валянціны Ганковіч, дуэта гітарыстаў Мікалая Бужынскага і Данілы Смалякова, а таксама Алега Пашкевіча, які разам з выкладчыкам Таццянай Пералыгінай парадавалі віртуознай гульнёй на балалайках. ДУДА «Палац творчасці дзяцей і моладзі г. Віцебска» прадставілі: Ульяна Старасценка (салістка шоу-тэатра «Карамелькі» пад кіраўніцтвам Вольгі Зорынай), ансамбль народнага танца «Задорынкі» пад кіраўніцтвам Людмілы Леўхінай і Кацярына Лайок, якая прадэманстравала для ўсіх прысутных майстар-клас «Сэрцайкі на шчасце».
На працягу мерапрыемства дзейнічала выстава-продаж дзіцячых работ, якую арганізавалі супрацоўнікі ДУДА «Цэнтр творчасці дзяцей і моладзі Кастрычніцкага раёна г. Віцебска». Усе жадаючыя набылі сувеніры на памяць. У заключэнні праграмы арганізатары частавалі гасцей традыцыйнай беларускай стравай – бульбянымі аладкамі.
Супрацоўнікі аддзела дзіцячай літаратуры падрыхтавалі да мерапрыемства кніжную выставу «Ад крыніц спрадвечных да нашых дзён», на якой была прадстаўлена літаратура па беларускай народнай творчасці з фонду Віцебскай абласной бібліятэкі.


































