
Падвядзенне вынікаў конкурсу відэаролікаў «Я – из Витебска!», прысвечанага 85-годдзю Д. Р. Сімановіча
- Details
- Створана 02.10.2017 11:00
27 верасня ў бібліятэцы адбылося падвядзенне вынікаў конкурсу відэаролікаў «Я – из Витебска!», прысвечанага 85-годдзю Д. Р. Сімановіча. Гэта падзея завяршыла цыкл мерапрыемстваў, прысвечаных 85-годдзю Давіда Рыгоравіча Сімановіча. 16 мая ў бібліятэцы адбыўся круглы стол «Здесь осталась его душа...» з удзелам творчай інтэлігенцыі Віцебска. 26 чэрвеня, у дзень нараджэння паэта, у Арт-цэнтры Марка Шагала прайшоў вечар аўтарскай песні і паэзіі «На Пушкинском мосту тебя я жду».
Конкурс відэаролікаў праводзіўся сярод школ горада. У сваіх работах вучні дэкламавалі вершы Давіда Сімановіча, расказвалі пра асноўныя этапы творчага шляху паэта, разважалі пра ролю Давіда Сімановіча ў гісторыі Віцебска.
Дасланыя на конкурс відэаролікі ацэньвала кампетэнтнае журы ў складзе:
– дырэктара ДУ «Віцебская абласная бібліятэка імя У. І. Леніна» Таццяны Мікалаеўны Адамян;
– загадчыка аддзела краязнаўчай літаратуры і бібліяграфіі ДУ «Віцебская абласная бібліятэка імя У. І. Леніна» Ларысы Іванаўны Рагачовай;
– старшыні Апякунскага савета музея Марка Шагала ў Віцебску Людмілы Уладзіміраўны Хмяльніцкай;
– дырэктара УК «Музей Марка Шагала ў Віцебску» Ірыны Сяргееўны Воранавай;
– кандыдата філалагічных навук, дацэнта кафедры літаратуры Віцебскага дзяржаўнага ўніверсітэта імя П. М. Машэрава Алены Уладзіміраўны Крыклівец;
– мастацкага кіраўніка літаратурнага клуба «ЛитКофейник» на базе культурна-гістарычнага комплекса «Залатое кальцо горада Віцебска «Дзвіна» Алега Вітальевіча Сяшко.
Невыпадкова ў відэаработах побач з імем Давіда Сімановіча гучала імя Марка Шагала. Сам паэт у адным з вершаў прызнаваўся: «Я вернул Шагала домой из жестокого небытия...». Гэта ўзаемасувязь двух знакавых для культуры Віцебска асобаў не засталася непрыкмечанай. Творчыя калектывы школ, якія прымалі ўдзел у стварэнні відэаролікаў, атрымалі падарункі ад Музея Марка Шагала ў Віцебску – сертыфікаты на бясплатнае наведванне Дома-музея мастака.
У рамках вечара былі прадэманстраваны работы, дасланыя на конкурс. Зрабіць мерапрыемства па-сапраўднаму святочным дапамаглі салісты вакальнай студыі ДУА «Гімназія № 1 г. Віцебска» Собалева Насця і Фалькова Марыя і ўзорны харэаграфічны калектыў «Акцэнт», удзельніцы якога здзівілі гледачоў сваім прафесійным майстэрствам і пластыкай.
Дыплом пераможцы I ступені атрымаў творчы калектыў ДУА «Сярэдняя школа № 38 г. Віцебска» за відэаролік «Однажды в сентябре». Аўтары відэароліка: Баравой Станіслаў, Курачкін Мікіта, Голік Дзмітрый, Чарняўская Аляксандра, Майсееў Максім. Кіраўнік праекта: Філіпава Іна Віталеўна.
Дыплом пераможцы II ступені атрымаў творчы калектыў ДУА «Гімназія № 8 г. Віцебска» за відэаролік «Витебск – Париж». Аўтары відэароліка: Гаранкова Ксенія, Зяцікава Яўгенія, Мендзелева Юлія, Мірончык Уладзіслаў, Сухаў Анатоль, Чарняўскі Герман. Кіраўнікі праекта: Валуй Таццяна Леанідаўна, Раманава Аляксандра Міхайлаўна.
Дыплом пераможцы III ступені атрымаў творчы калектыў ДУА «Сярэдняя школа № 42 г. Віцебска» за відэаролік «Давид Симанович: «Я – из Витебска». Аўтары відэароліка: Харуноў Ілля, Папковіч Хрысціна, Нікалаева Марыя. Кіраўнікі праекта: Іванова Маргарыта Валер'еўна, Мельнік Аксана Мікалаеўна.
Пераможцай у намінацыі «За сохранение памяти о Д. Г. Симановиче» стаў творчы калектыў ДУА «Крынкаўская яслі-сад сярэдняя школа імя М. Ц. Лынькова Лёзненскага раёна» за відэаролік «Станция Крынки». Аўтары відэароліка: Пагодкіна Хрысціна, Касмацькова Вераніка. Кіраўнікі праекта: Гаўрыленка Віталь Віталевіч, Сударыкава Наталля Васілеўна.
Пераможцай у намінацыі «За освещение жизни и творчества Д. Г. Симановича» стаў творчы калектыў ДУА «Сярэдняя школа № 33 г. Віцебска» за відэаролік «Я – из Витебска». Аўтар відэароліка: Кубекін Цімафей. Кіраўнік праекта: Плігаўка Вольга Львоўна.
Дыпломы ўдзельнікаў атрымалі:
– творчы калектыў ДУА «Сярэдняя школа № 10 г. Віцебска» за відэаролік «Я – из Витебска». Аўтары відэароліка: Саладкоў Яўген, Бабчонак Кацярына. Кіраўнік праекта: Халматава Лідзія Канстанцінаўна;
– творчы калектыў ДУА «Сярэдняя школа № 29 г. Віцебска» за відэаролік «Здесь осталась его душа...». Аўтар відэароліка: Лазараў Ілля. Кіраўнік праекта: Маранаў Леанід Леанідавіч;
– творчы калектыў ДУА «Сярэдняя школа № 6 г. Віцебска» за відэаролік «Этот город принял меня однажды...». Аўтары відэароліка: Сакуноўская Марыя, Садукова Юлія, Каваленка Хрысціна, Касноў Уладзіслаў. Кіраўнікі праекта: Шыпікава Ірына Алегаўна, Косарава Ірына Іванаўна;
– творчы калектыў ДУА «Гімназія № 1 г. Віцебска» за відэаролік «Давиду Симановичу посвящается...». Аўтары відэароліка: Міхайлава Ганна, Бондараў Ярамір. Кіраўнікі праекта: Іванова Ірына Юр'еўна, Торапаў Дзмітрый Генадзевіч.
Пераможцы былі ўзнагароджаны падарункавымі выданнямі ад Апякунскага савета музея Марка Шагала ў Віцебску, а таксама зборнікамі вершаў віцебскіх паэтаў: Давіда Сімановіча, Алены Крыклівец, Алега Сяшко.
Давід Рыгоравіч быў частым госцем у школах города, проводзіў паэтычныя ўрокі, дарыў свае кнігі бібліятэкам... І арганізатарам конкурсу асабліва прыемна адзначыць, што пры падрыхтоўцы і стварэнні відэаролікаў да асобы і творчай спадчыны Давіда Сімановіча дакрануліся сучасныя школьнікі. Творчасць Паэта, працятая бязмежнай любоўю да нашага роднага Віцебска, не пакінула іх абыякавымі.


































