
Прэзентацыя трэцяга тома зборніка “Віцебскі край”
- Details
- Створана 17.09.2018 15:15
13 верасня 2018 года ў аддзеле краязнаўчай літаратуры і бібліяграфіі адбылася прэзентацыя трэцяга тома зборніка "Віцебскі край", у які ўвайшлі матэрыялы Міжнароднай навукова-практычнай канферэнцыі, прысвечанай 500-годдзю беларускага кнігадрукавання.
Загадчык аддзела краязнаўчай літаратуры і бібліяграфіі Л. І. Рагачова прадставіла выданне і адзначыла шырокую тэматыку дакладаў, надрукаваных у зборніку, якія закранаюць разнастайныя пытанні гісторыі Беларусі, гісторыі мастацтва і кнігадрукавання, літаратуразнаўства, краязнаўства. Зборнік адрасаваны гісторыкам, музейным работнікам, архівістам, краязнаўцам, бібліятэкарам, педагогам.
Пра падрыхтоўку выдання да друку паведаміла намеснік дырэктара бібліятэкі В. М. Камендантава. Галоўны спецыяліст упраўлення культуры Віцебскага аблвыканкама Д. В. Юрчак павіншаваў прысутных з выхадам зборніка ў свет і адзначыў важны ўклад работнікаў бібліятэкі ў развіццё краязнаўчага руху на Віцебшчыне. Да яго далучыліся намеснік дырэктара па навуковай рабоце Віцебскага абласнога краязнаўчага музея В. А. Шышанаў, намеснік старшыні Віцебскага абласнога савета ветэранаў М. А. Ляшчынскі, кандыдат мастацтвазнаўства А. Г. Лісаў.


































