
Прэзентацыя кнігі Алеся Замкоўскага «Наступны прыпынак»
- Details
- Створана 29.10.2018 09:13
24 кастрычніка ў бібліятэцы адбылася прэзентацыя кнігі Алеся Замкоўскага «Наступны прыпынак». Алесь Замкоўскі – паэт, загадчык літаратурнай часткі Нацыянальнага акадэмічнага драматычнага тэатра імя Якуба Коласа. З'яўляецца лаўрэатам першага конкурсу маладых пісьменнікаў «Экслібрыс» (2012), фіналістам фестывалю аўтарскай песні і паэзіі «Віцебскі лістапад» (2017).
Раней творы паэта публікаваліся ў часопісах «Маладосць», «Дзеяслоў», альманахах «Наддзвінне» і «Ратуша». Вершы, якія ўвайшлі ў зборнік, былі напісаныя паэтам на працягу апошніх пятнаццаці гадоў. Алесь прачытаў творы, якія найбольш яскрава адлюстроўваюць гэты перыяд яго творчасці. Белы верш, верлібр, хайку – гэтыя віды вершаў больш за ўсе блізкія паэту.
Алесь Замкоўскі скончыў факультэт беларускай філалогіі і культуры Віцебскага дзяржаўнага ўніверсітэта. Прыемным сюрпрызам стала выступленне выпускнікоў гэтага факультэта – галоўнага рэдактара ўніверітэцкай газеты «Мы і час» Алесі Дуброўскай і кандыдата філалагічных навук, вядучай моўных курсаў «МоваНанова» Таццяны Дубоўскай, якія перадалі Алесю відэавіншаванні і лісты яго сакурснікаў. Добрыя словы ў адрас паэта прагучалі ў выступленні паэтэсы, літаратуразнаўцы, дацэнта кафедры літаратуры Віцебскага дзяржаўнага ўніверсітэта імя П. М. Машэрава, кандыдата філалагічных навук Вольгі Русілкі.


































