
Адкрыццё выставы Андрэя Жыгура «Тэатральны плакат»
- Details
- Створана 13.12.2018 11:09
12 снежня ў бібліятэцы адбылося ўрачыстае адкрыццё выставы віцебскага мастака, мастацтвазнаўца, сябра Беларускага саюза мастакоў Андрэя Жыгура «Тэатральны плакат».
Андрэй Жыгур з 2006 года працуе мастаком па рэкламе ў Нацыянальным акадэмічным драматычным тэатры імя Якуба Коласа. У якасці мастака-пастаноўшчыка займаецца сцэнаграфіяй, касцюмамі, стварае відэашэраг да спектакляў.
Тэатральны плакат мастака з'яўляецца неад'емным працягам тэатральнай пастаноўкі, фарміруе ўласную аўтарскую кампазіцыю з выкарыстаннем колеру і руху.
З адкрыццём выставы мастака павіншавалі старшыня Віцебскай абласной арганізацыі ГА «Беларускі саюз мастакоў» Святлана Баранкоўская, мастак Аляксандр Слепаў, мастацтвазнаўца Міхась Цыбульскі, супрацоўнікі Нацыянальнага акадэмічнага драматычнага тэатра імя Якуба Коласа – кіраўнік літаратурна-драматычнай часткі Алесь Замкоўскі і літаратурны рэдактар Юрый Іваноўскі, а таксама сваякі і сябры.
Выстава будзе экспанавацца да канца снежня.
Запрашаем усіх жадаючых.


































