
Творчая сустрэча з Людмілай Шаўцовай
- Details
- Створана 20.03.2019 09:34
Людміла Шаўцова – лаўрэат расійскай нацыянальнай тэлевізійнай прэміі «ТЭФИ», аўтар дакументальных цыклаў на тэлеканале «Культура», сцэнарыяў гістарычных, мастацка-дакументальных фільмаў, якія ўвайшлі ў залаты фонд рускай культуры.
З творчасцю Людмілы Шаўцовай прысутных пазнаёміў мастацкі кіраўнік Беларускага тэатра «Лялька», заслужаны дзеяч мастацтваў Рэспублікі Беларусь Віктар Клімчук, якога з Людмілай Іванаўнай звязваюць сумесныя праекты. Так, прэм'ерай 52-га тэатральнага сезона ў Белгародскім дзяржаўным тэатры лялек стаў спектакль «Грешневая каша». Аўтар п'есы – Людміла Шаўцова, рэжысёр-пастаноўшчык – Віктар Клімчук.
Людміла Шаўцова – чалавек таленавіты, разумны і інтэлігентны, мае багаты жыццёвы вопыт, усёй душой перажывае за лёс сваёй Радзімы. Героямі яе літаратурных твораў з'яўляюцца як прадстаўнікі мастацтва, так і простыя людзі знікаючай расійскай глыбінкі.
Сустрэча прайшла ў цёплай, сяброўскай атмасферы. Людміла Іванаўна адказала на шматлікія пытанні прысутных і падарыла бібліятэцы свае кнігі.


































