
Музычны вечар «Мы такія розныя, гэтым і прыгожыя мы»
- Details
- Створана 23.05.2019 13:40
21 мая ў бібліятэцы адбыўся музычны вечар «Мы такія розныя, гэтым і прыгожыя мы», прымеркаваны да Міжнароднага дня культурнай разнастайнасці ў імя дыялогу і развіцця. Арганізавалі мерапрыемства супрацоўнікі сектара замежнай літаратуры.
Замежныя студэнты УА ФПБ «Міжнародны ўніверсітэт «МІПСА», УА «Віцебская ордэна «Знак Пашаны» дзяржаўная акадэмія ветэрынарнай медыцыны», УА «Віцебскі дзяржаўны ўніверсітэт імя П. М. Машэрава», УА «Віцебскі дзяржаўны ордэна Дружбы народаў медыцынскі ўніверсітэт» пазнаёмілі гасцей вечара з музычнай культурай сваіх краін. Яркімі былі музычныя нумары ў выкананні Дыяны Паўлючэнкі, Лізаветы Архіпенкі і Ганны Янчанкі (УА «Віцебскі дзяржаўны музычны каледж імя І. І. Салярцінскага»), Яны Ільюшчанкі (УА «Гімназія № 9 г. Віцебска»). Гледачы з захапленнем сустрэлі выступленне харэаграфічнага калектыву «Калейдаскоп» УА «Гімназія № 3 г. Віцебска» (мастацкі кіраўнік Наталля Сушчанка).
Вялі вечар бібліятэкары сектара замежнай літаратуры Кацярына Марозава і Ілона Шушкевіч.


































