
Пасяджэнне грамадскага каардынацыйнага экалагічнага савета
- Details
- Створана 31.05.2019 13:43
30 мая ў бібліятэцы прайшло пасяджэнне грамадскага каардынацыйнага экалагічнага савета пры Віцебскім абласным камітэце прыродных рэсурсаў і аховы навакольнага асяроддзя.
Кіраўнік праекта «Уцягванне грамадскасці ў экалагічны маніторынг і паляпшэнне кіравання аховай навакольнага асяроддзя на мясцовым узроўні» Вольга Чаброўская (г. Мінск) выступіла з інфармацыяй аб дзейнасці Охрускіх цэнтраў Рэспублікі Беларусь у рамках праекта «Экаманіторынг».
Начальнік аддзела прававой, кадравай і арганізацыйнай работы Віцебскага абласнога камітэта прыродных рэсурсаў і аховы навакольнага асяроддзя Людміла Капранава расказала аб арганізацыі і правядзенні абласнога этапу рэспубліканскага конкурсу на лепшую публікацыю на экалагічную тэматыку. З Палажэннем аб конкурсе можна азнаёміцца на сайце Віцебскага абласнога камітэта прыродных рэсурсаў і аховы навакольнага асяроддзя http://priroda-vitebsk.gov.by/
Член савета, галоўны бібліятэкар сектара сацыякультурнай дзейнасці і маркетынгу Віцебскай абласной бібліятэкі Таццяна Лузан падзялілася вопытам работы публічных бібліятэк Віцебскай вобласці і Віцебскай абласной бібліятэкі па фарміраванні экалагічнай культуры насельніцтва. У сваім выступленні яна расказала аб бібліятэчных праграмах і праектах па экалогіі, працы экалагічных клубаў, якія функцыянуюць пры бібліятэках вобласці, аб узаемадзеянні бібліятэк з арганізацыямі і ўстановамі, якія ўдзельнічаюць у працэсе экалагічнага выхавання і асветы і прадставіла бібліяграфічныя выданні экалагічнай тэматыкі, створаныя спецыялістамі Віцебскай абласной бібліятэкі.
Бібліятэкар аддзела перыядычных выданняў Алена Брускова правяла бібліяграфічны агляд часопісаў з фонду абласной бібліятэкі, у якіх асвятляюцца пытанні экалогіі.
Супрацоўнікі агульнай чытальнай залы падрыхтавалі да мерапрыемства кніжную выставу «Экалогія. Прырода. Жыццё».


































