
Міжнародная навукова-практычная бібліятэчная канферэнцыя «Культура памежжа»
- Details
- Створана 19.06.2019 15:52
13–14 чэрвеня ў рамках XXXIX Міжнародных Ганзейскіх дзён Новага часу ў Пскове адбылася Міжнародная навукова-практычная бібліятэчная канферэнцыя «Культура памежжа». У рабоце канферэнцыі прынялі ўдзел спецыялісты бібліятэк, цэнтраў народнай творчасці, пісьменнікі, гісторыкі з гарадоў Расійскай Федэрацыі і Рэспублікі Беларусь.
У праграму мерапрыемства ўвайшлі прэзентацыі праектаў і выданняў бібліятэк, абагульненне вопыту работы па папулярызацыі кніжнай культурнай спадчыны і рэалізацыі міжэтнічных праектаў на тэрыторыях рэгіёнаў ганзейскіх гарадоў і інш. З выставачнай дзейнасцю Віцебскай абласной бібліятэкі прысутных азнаёміла загадчык аддзела літаратуры па мастацтве Алена Васілеўская.
У рамках канферэнцыі адбылося адкрыццё выставы работ удзельнікаў і ўзнагароджанне фіналістаў Міжнароднага творчага конкурсу «Ад Ганзы да Ганзы: погляд юных» (арганізатар – Пскоўская абласная ўніверсальная навуковая бібліятэка пры падтрымцы консульства Латвійскай Рэспублікі ў Пскове і Пскоўскай Канцылярыі Генеральнага Консульства Эстонскай Рэспублікі ў Санкт-Пецярбургу).
Больш падрабязная інфармацыя:
Міжнародная навукова-практычная бібліятэчная канферэнцыя «Культура памежжа» ;
Міжнародны творчы конкурс «Ад Ганзы да Ганзы: погляд юных» .


































