
Творчая сустрэча з Вольгай Маслюковай «Дастукацца да дзіцячага сэрцайка»
- Details
- Створана 26.12.2019 16:21
24 снежня ў бібліятэцы адбыўся творчы вечар пісьменніцы Вольгі Маслюковай «Дастукацца да дзіцячага сэрцайка».
Падчас мерапрыемства Вольга Іванаўна, аўтар дзевяці раманаў, двух зборнікаў апавяданняў і казак, прэзентавала сваю новую кнігу для дзяцей «Неверагодныя прыгоды Сані і Дані» – сучасную аповесць у жанры фэнтэзі аб незвычайным касмічным падарожжы юных і бясстрашных герояў.
Вольга Іванаўна прачытала ўрыўкі з новай кнігі, а таксама прадставіла дзецям творы са зборніка «Казка за казкай»: з дапамогай мультыплікацыі, створанай самой пісьменніцай, дзяўчынкі і хлопчыкі пазнаеміліся з героямі «Зімовай казкі» і «Балотнай казкі».
У канцы сустрэчы школьнікі засыпалі пісьменніцу пытаннямі аб творчых планах, аб любімых жанрах ў літаратуры і кіно. Аўтограф ад аўтара і агульнае фота сталі выдатнай кропкай шчырага, душэўнага і ўтульнага спаткання з пісьменніцай Вольгай Маслюковай.


































