
Прэзентацыя кнігі Вольгі Нікіценкі «Сузор’е птушкі»
- Details
- Створана 23.01.2020 10:15
22 студзеня ў бібліятэцы адбылася прэзентацыя першай кнігі Вольгі Нікіценкі «Сузор'е птушкі».
Вольга Нікіценка – ураджэнка г. Віцебска, студэнтка Мінскага дзяржаўнага лінгвістычнага ўніверсітэта. Піша вершы і кароткую прозу, паглыблена вывучае беларускую мову, перакладае на яе творы любімых паэтаў. Вучыцца ў Школе маладога літаратара. Многія гады займаецца маляваннем, у асноўным працуе ў жанры ілюстрацыі і партрэта. І сваю першую кнігу яна ілюстравала сама.
У 2019 годзе афіцыйна ўвайшла ў лік дзесяці наймацнейшых маладых паэтаў Беларусі. Лаўрэат Міжнароднага літаратурнага конкурсу «Першацвет» (2019). Пераможца Фестывалю цікавай паэзіі «Сабака Керуака» (2018). Уладальнік Гран-пры конкурсу БрамаМар-юні ў намінацыі «Паэзія» (2019).
Падчас сустрэчы маладая паэтэса распавяла пра сябе і сваю творчасць, прачытала шэраг вершаў, паразважала пра вечныя духоўныя каштоўнасці.
З віншавальным словам да сваёй былой вучаніцы звярнулася настаўніца Вольга Міхайлаўна Каламійцава.
Напрыканцы мерапрыемства Вольга Нікіценка адказала на пытанні і падаравала сваю першую кнігу чытачам бібліятэкі.


































