
Прэзентацыя кнігі «Воины-армяне в боях за Беларусь (1941–1945 гг.)»
- Details
- Створана 05.02.2020 10:10
4 лютага ў бібліятэцы адбылася прэзентацыя навукова-мемарыяльнага выдання «Воіны-армяне ў баях за Беларусь (1941–1944 гг.)».
У мерапрыемстве прыняў удзел Надзвычайны і Паўнамоцны Пасол Рэспублікі Арменія ў Рэспубліцы Беларусь Армэн Гевандзян.
Мемарыяльнае выданне змяшчае ўпершыню зведзеныя разам на аснове архіўных і іншых крыніц дадзеныя аб 6,5 тыс. воінаў-армян. Гэта загінуўшыя, зніклыя без вестак і пахаваныя ў Беларусі ў гады Вялікай Айчыннай вайны, абаронцы Брэсцкай крэпасці, удзельнікі партызанскага руху і падпольнай барацьбы, ёсць звесткі аб узнагароджаных за баявыя подзвігі і заслугі.
У кнізе таксама ёсць карта з пазначэннямі 8000 воінскіх пахаванняў на тэрыторыі Беларусі. Адзначана, што ў 803 з іх знаходзяцца астанкі воінаў-армян.
Армэн Гевандзян адзначыў, што інтэрнацыянальнаму калектыву аўтараў спатрэбілася больш за сем гадоў напружанай працы, каб выданне пабачыла свет. «Гэтая праца набліжае гісторыю, робіць яе больш адчувальнай. У выніку працы сваякі некаторых загінулых нарэшце даведаліся, дзе спачываюць іх продкі», – сказаў дыпламат.
45 экзэмпляраў кнігі перададзены Віцебскай абласной бібліятэцы імя Леніна, грамадскім аб'яднанням і музеям, якія займаюцца гісторыяй Вялікай Айчыннай вайны.


































