
Віншуем, Пэпі!
- Details
- Створана 27.02.2020 11:14
26 лютага у бібліятэцы пры падтрымцы Пасольства Швецыі ў Рэспубліцы Беларусь адбылося інтэрактыўнае чытанне кнігі Астрыд Ліндгрэн «Пэпі Доўгаяпанчоха» – самы вядомы персанаж шведскай пісьменніцы селета святкуе 75-гадовы юбілей.
Алеся Літвіноўская – памочнік пасла Швецыі ў Рэспубліцы Беларусь – пазнаёміла хлопчыкаў і дзяўчынак са Швецыяй, распавяла гісторыю стварэння кнігі і яе герояў. Актрыса тэатра лялек «Лямцавая Батлейка» (г. Мінск) Вераніка Фаміна чытала аповесць пісьменніцы на беларускай мове ў перакладзе са шведскай Дзмітрыя Плаксы.
У канцы мерапрыемства Алеся Літвіноўская падарыла бібліятэцы дзіцячыя выданні шведскіх пісьменнікаў, перакладзеныя на беларускую мову. А ўсім прысутным дасталіся памятныя сувеніры ў выглядзе сцяжка Каралеўства Швецыі і салодкіх пачастункаў.


































