
Выстава кніг «Але-ап»
- Details
- Створана 21.04.2020 10:36
Да Міжнароднага дня цырка, які адзначаецца ў трэцюю суботу красавіка, супрацоўнікі аддзела дзіцячай літаратуры падрыхтавалі выставу кніг «Але-ап».
Цырк – месца асаблівае, пад яго высокім і яркім купалам адбываюцца дзіўныя рэчы. Тут на арэне разыгрываюцца эфектныя нумары, а за кулісамі ідзе своеасаблівае жыццё. Цырк – гэта мір дзяцінства, ажыўшых сноў і казкі, куды трапляе кожны, хто ўвайшоў пад чароўны купал. Ён абяцае мноства цудоўных гісторый і незабыўных уражанняў.
Кнігі, якія прадстаўлены на выставе, таму пацвярджэнне. Бо ў іх вас чакаюць вершы і казкі, прыгоды і дэтэктывы, фантастыка і фэнтэзі і, вядома ж, рэальныя, але не менш цікавыя гісторыі. Вы пазнаёміцеся з многімі цыркавымі прафесіямі і даведаецеся, як нараджаецца нумар, як шмат працы трэба прыкласці, каб выступаць на арэне. Яркі, шумны і чароўны свет чакае вас пад вокладкамі кніг пра цырк.
Чакаем вас ў аддзеле дзіцячай літаратуры за новымі яркімі ўражаннямі.


































