
Адкрыццё персанальнай выставы Аляксандра Саўчанкі «Мая зямля – маё натхненне»
- Details
- Створана 13.08.2020 08:14
12 жніўня адкрылася персанальная выстава жывапісных работ Аляксандра Саўчанкі (г. Лепель) «Мая зямля – маё натхненне», прысвечаная Году малой радзімы.
Аляксандр Саўчанка нарадзіўся ў 1964 годзе ў вёсцы Новая Жызнь Ушацкага раёна. Дзяцінства правёў у вёсцы Велеўшчына. Вучыўся ў Віцебскім дзяржаўным педагагічным інстытуце імя С. М. Кірава з 1982 па 1989 год. З 1992 года мастак жыве ў горадзе Лепелі і працуе педагогам у дзіцячай школе мастацтваў.
У сваіх творах Аляксандр часцей за ўсё звяртаецца да такіх жанраў, як пейзаж, нацюрморт і партрэт. Мастак – удзельнік шматлікіх міжнародных і рэгіянальных выстаў, адзін з арганізатараў раённай выставы «Фарбы Лепельшчыны», удзельнік пленэра імя І. Ф. Хруцкага на Лепельшчыне (2008 г.), пленэра ў Шаркаўшчынскім раёне, прысвечанага памяці ахвяр Халакосту (2017 г.), «Лепельскія краявіды» (2018 г.) і інш.
Выстава адкрыта да 13 верасня.


































