
Адкрыццё выставы «La Femme»
- Details
- Створана 03.11.2020 14:45
2 лістапада адкрылася выстава работ сучасных беларускіх мастакоў-партрэтыстаў «La Femme».
Малады арт-менеджар і куратар выставы Ганна Гурына (г. Мінск) прадставіла работы мастакоў Кацярыны Шэлест, Эльміры Мухтаравай, Юліі Заўгародняй, Сяргея Мазгавога, Аляксандра Галенкі, Яўгена Дударава і Дзмітрыя Сяміткі. Рознымі стылямі выканання ўдзельнікі дэманструюць у сваіх палотнах жаноцкасць і сілу, сціпласць і ўпэўненасць у сабе, ваяўнічасць і какецтва. Яркае і неардынарнае ўвасабленне жанчыны не пакінула абыякавымі віцебскіх паэтаў, мастакоў і музыкантаў, якія напоўнілі цяплом і творчасцю атмасферу восеньскага вернісажу.
Разгадаць жанчыну – цяжкая задача. Але ці варта спрабаваць яе разгадваць? Кожная з карцін захоўвае сваю тайну і таямніцы гэтыя – патаемныя.
Запрашаем наведаць выставу і атрымаць задавальненне ад сузірання жаночай прыгажосці.
Выстава адкрыта да 13 лістапада.


































