
Адкрыццё выставы-конкурсу дзіцячых малюнкаў «Дзе маці нарадзіла, там і радзіма»
- Details
- Створана 04.12.2020 14:15
3 снежня ў аддзеле дзіцячай літаратуры прайшло адкрыццё выставы-конкурсу дзіцячых малюнкаў «Дзе маці нарадзіла, там і радзіма».
Выстава прымеркавана да 90-гадовага юбілею класіка беларускай літаратуры, паэта, празаіка, драматурга і публіцыста родам з Віцебшчыны Уладзіміра Сяменавіча Караткевіча (1930–1984).
На выставе прадстаўлены 46 работ навучэнцаў устаноў агульнай сярэдняй і спецыяльнай адукацыі Першамайскага раёна г. Віцебска. Узнагароджанне пераможцаў і прызёраў конкурсу праходзіла ў трох намінацыях: «Казачная краіна Уладзіміра Караткевіча» (малюнак па адной з казак пісьменніка); «Дзе мой край?...» (пейзаж, які адлюстроўвае перажыванні, эмоцыі і пачуцці пры чытанні вершаў паэта); «Гераічнае мінулае народа» (замалёўкі па празаічных і драматычных творах У. Караткевіча).
Дыпломы пераможцам уручыла Марына Анатольеўна Полагава – метадыст ДУ «Навукова-метадычны кабінет Першамайскага раёна горада Віцебска».
Выстава будзе дзейнічаць у аддзеле дзіцячай літаратуры да 18 снежня. Запрашаем усіх жадаючых.


































