
Стужка памяці «Са школьнага парога шагнуўшыя ў вайну»
- Details
- Створана 07.05.2021 09:47
«Салдатамі, як вядома, не нараджаюцца. І не для дзіцячых рук баявая зброя, якая нясе смерць. Але час выбраў іх.
Вялікая Айчынная вайна бязлітасна ўварвалася ў дзяцінства цэлага пакалення, стала агульнай для ўсіх біяграфіяй. У суровы для Айчыны час, жадаючы адпомсціць фашысцкім захопнікам за гібель бацькоў, за спаленыя вёскі, разбураныя гарады, плячо ў плячо з дарослымі ўставалі хлапчукі і дзяўчынкі 10-16 год.
Малалетнія сіроты станавіліся сынамі палкоў, памочнікамі партызан і падпольшчыкаў, былі адважнымі разведчыкамі, сувязнымі, санітарамі. Немагчыма нават уявіць, якія цяжкія выпрабаванні выпалі на іх долю! Колькі спатрэбілася мужнасці, каб свята верыць у трыумф справядлівасці, і кожны дзень па меры сіл і магчымасцей набліжаць доўгачаканую Перамогу!..»
Людміла Грамовіч,
галоўны рэдактар рэспубліканскай газеты «Зорка».
Супрацоўнікі аддзела дзіцячай літаратуры прапануюць вашай увазе стужку памяці «Са школьнага парога шагнуўшыя ў вайну», прысвечаную маленькім героям вялікай вайны.


































