
Літаратурна-музычная вечарына да Міжнароднага дня роднай мовы і агульная дыктоўка
- Details
- Створана 21.02.2022 14:10
21 лютага ў бібліятэцы адбылася традыцыйная літаратурна-музычная вечарына да Міжнароднага дня роднай мовы, у рамках якой была праведзена агульная дыктоўка.
Вядучая вечарыны – вядучы бібліёграф аддзела краязнаўства Кацярына Яскевіч – расказала ўдзельнікам мерапрыемства пра гісторыю гэтага свята. З прывітальным словам выступіў галоўны спецыяліст упраўлення культуры Віцебскага абласнога выканаўчага камітэта Дзяніс Юрчак. У вечарыне прынялі ўдзел выкладчыкі і студэнты Віцебскага філіяла Міжнароднага ўніверсітэта «МІПСА», якія падрыхтавалі відэазапіс з віншаваннямі.
У гэтым годзе адзначаецца 140-годдзе з дня нараджэння народных паэтаў Беларусі Янкі Купалы і Якуба Коласа. Падчас мерапрыемства прагучалі вершы пісьменнікаў у выкананні супрацоўнікаў бібліятэкі. Агульную дыктоўку прачытала загадчык аддзела літаратуры па мастацтве Алена Васілеўская. Для напісання быў абраны ўрывак з апавядання Якуба Коласа «Думкі ў дарозе». Да мерапрыемства была падрыхтавана кніжная выстава.


































