
Нацыянальны гістарычны архіў Беларусі – Віцебскай абласной бібліятэцы
- Details
- Створана 06.02.2023 14:12
Віцебская абласная бібліятэка імя У. І. Леніна з'яўляецца інфармацыйным, навукова-метадычным, культурным цэнтрам Віцебскай вобласці.
Асновай краязнаўчай дзейнасці бібліятэкі з'яўляецца асобна выдзелены фонд краязнаўчай літаратуры і мясцовых выданняў, якія захоўваюцца ў аддзеле краязнаўства. Цэнтрам збору і захавання ў фондзе бібліятэкі рэдкіх і асабліва каштоўных выданняў стаў аддзел рэдкай кнігі. Чытачы бібліятэкі актыўна карыстаюцца электроннай калекцыяй алічбаваных дакументаў «Витебщина – документальное наследие», у якой прадстаўлены рэдкія краязнаўчыя выданні аб Віцебшчыне XIX – пачатку ХХ стагоддзяў.
У пачатку лютага Нацыянальны гістарычны архіў Беларусі перадаў у дар Віцебскай абласной бібліятэцы партыю кніг і перыядычных выданняў XIX – пачатку XX ст. Гэтыя дакументы будуць спрыяць даукамплектаванню фонду рэтраспектыўнымі выданнямі даваеннага часу, рэгіянальнымі выданнямі. Пасля апрацоўкі матэрыялы будуць перададзены ў фонды аддзелаў краязнаўства і рэдкай кнігі, некаторыя з іх будуць алічбаваныя і папоўняць электронную калекцыю «Витебщина – документальное наследие».


































