
Пераможцы абласнога этапу XXXI рэспубліканскага конкурсу «Бібліятэка – асяродак нацыянальнай культуры»
- Details
- Створана 22.03.2023 13:14
Падведзены вынікі абласнога этапу XXXI рэспубліканскага конкурсу «Бібліятэка – асяродак нацыянальнай культуры». Да удзелу ў конкурсе было прадстаўлена 12 работ ад 11 бібліятэк вобласці, сярод іх 7 гарадскіх і 4 сельскія.
Дыпломы I ступені атрымалі:
– у намінацыі «За значны ўклад у выхаваўчую работу з падрастаючым пакаленнем» – цэнтральная бібліятэка імя У. Маякоўскага цэнтралізаванай бібліятэчнай сістэмы г. Наваполацка за эфектыўную работу з дзецьмі і падлеткамі;
– у намінацыі «За пошукавую і даследчую працу»:
сярод гарадскіх бібліятэк Верхнядзвінская цэнтральная раённая бібліятэка імя Т. Хадкевіча Верхнядзвінскай цэнтралізаванай бібліятэчнай сістэмы за даследаванне жыццёвага і творчага шляху пісьменніка Тараса Хадкевіча;
сярод сельскіх бібліятэк Сасноўская сельская бібліятэка Віцебскай раённай цэнтралізаванай бібліятэчнай сістэмы за даследаванне партызанскага мінулага краю, стварэнне гісторыка-публіцыстычнага нарысу «Памяці жыць!..», інфармацыйнага даведніка «Рубеж славы»;
– у намінацыі «За падтрымку і развіццё чытання» – Цэнтральная бібліятэка імя У. Маякоўскага цэнтралізаванай бібліятэчнай сістэмы г. Наваполацка за 20-гадовую актыўную дзейнасць літаратурна-музычнага аб'яднання «Крылы»;
– у намінацыі «За навацыі ў сферы бібліятэчнай справы» – Ушацкая раённая бібліятэка імя Е. Лось Ушацкай цэнтралізаванай бібліятэчнай сістэмы за стварэнне кнігі-квэста «Ушацкі край».
Конкурсныя работы пераможцаў накіраваны ў Нацыянальную бібліятэку Беларусі для ўдзелу ў рэспубліканскім этапе конкурсу. Віншуем калег і жадаем поспеху!


































