
Творчая сустрэча «Дружбой и верой едины»
- Details
- Створана 03.04.2023 15:27
2 красавіка ў бібліятэцы да Дня яднання народаў Беларусі і Расіі прайшла творчая сустрэча «Дружбой и верой едины». Яркія нумары прадставілі ўдзельнікі міжнароднай садружнасці праваслаўных аўтараў і выканаўцаў «Благодар».
Гісторыя адзінства рускіх і беларускіх народаў мае глыбокія карані: іх аб'ядноўваюць агульная вера і агульныя святыні. Гэты факт адзначыў у сваім прывітальным слове клірык царквы Дабравешчання Прасвятой Багародзіцы протаіерэй Ігар Машкей.
Са сцэны гучалі песні пра жыццё і веру, радзіму і каханне ў выкананні Сяргея Краўчука, Пятра Захарава, Алега Іванова, Ніны Міхеевай, Дзмітрыя і Юліі Латковічаў, Вячаслава Белавуса, Яўгена Кавалеўскага, Уладзіміра Гурскага, Міхаіла Фурса.
Публіка з цеплынёй і ўдзячнасцю сустракала выканаўцаў. У праграме гучалі творы ўласнага сачынення і вядомых аўтараў, сучасныя песні і творы ваенных гадоў. Гледачы з задавальненнем падпявалі, пачуўшы знаёмыя мелодыі.
Прыемным сюрпрызам стала выступленне маладзёжнага хору пад кіраўніцтвам Віталя Раўзы. У гонар святкавання 150-годдзя з дня нараджэння С. Рахманінава была выканана адна з яго кампазіцый «Слава народу».
Да Дня адзінства народаў Беларусі і Расіі супрацоўнікамі агульнай чытальнай залы была падрыхтавана кніжная выстава.


































