
Лекцыя кампазітара Аляксандра Іванова
- Details
- Створана 04.04.2023 08:43
3 красавіка прайшла лекцыя кампазітара Аляксандра Іванова, прысвечаная 150-годдзю з дня нараджэння расійскага кампазітара Сяргея Рахманінава.
Слухачы даведаліся аб пераломным этапе ў жыцці і творчасці Сяргея Васільевіча ў эміграцыі. Туга па Радзіме, незадаволенасць навакольнай рэчаіснасцю знайшлі адлюстраванне і ў творах, напісаных у гэты перыяд. У 1940 годзе была створана аркестравая сюіта «Сімфанічныя танцы», якую аўтар прысвяціў Філадэльфійскаму аркестру і яго дырыжору Юджыну Армандзі.
Падчас мерапрыемства прагучаў запіс твора ў выкананні сусветна вядомага калектыву, які суправаджаўся тлумачэннямі Аляксандра Віктаравіча.


































