
Падвядзенне вынікаў праекта «Ура! Канікулы: у аб'ектыве дзеці»
- Details
- Створана 22.09.2023 15:29
20 верасня ў Тулаўскім сельскім доме культуры ДУК «Віцебскі раённы цэнтр культуры і творчасці» адбыўся метадычны дзень, на якім былі падведзены вынікі абласнога сумеснага праекта ўстаноў культуры па формах нестацыянарнага абслугоўвання насельніцтва «Ура! Канікулы: у аб'ектыве дзеці».
Праект, арганізатарамі якога выступалі ўпраўленне культуры Віцебскага аблвыканкама, Віцебскі абласны метадычны цэнтр народнай творчасці, Віцебская абласная бібліятэка імя У. І. Леніна, праходзіў на працягу летніх месяцаў. Унікальнасць праекта – у партнёрскай дзейнасці супрацоўнікаў бібліёбусаў і аўтаклубаў, якія выязжалі ў аддаленыя вёскі сваіх раёнаў з сумеснымі мерапрыемствамі, выставамі, майстар-класамі, конкурсамі, прызванымі разнастаіць летні вольны час дзяцей у сельскай мясцовасці.
Па выніках праекта сярод дасланых партфоліа журы выбрала лепшых удзельнікаў.
Дубровенская цэнтралізаваная бібліятэчная сістэма, Раённы цэнтр народнай творчасці і культурна-дасугавай дзейнасці Дубровенскага раёна,
Лёзненская цэнтралізаваная бібліятэчная сістэма, Лёзненская цэнтралізаваная клубная сістэма;
Талачынская цэнтралізаваная бібліятэчная сістэма, Талачынскі раённы цэнтр культуры і народнай творчасці;
Шаркаўшчынская цэнтралізаваная бібліятэчная сістэма, Шаркаўшчынскі раённы Цэнтр культуры.
Спецыяльным дыпломам за папулярызацыю традыцыйнай народнай культуры сродкамі дзіцячай творчасці адзначаны Глыбоцкая цэнтралізаваная бібліятэчная сістэма і Глыбоцкі цэнтр традыцыйнай культуры і народнай творчасці.
Падчас метадычнага дня ўдзельнікі выступілі з прэзентацыяй сваёй дзейнасці. Супрацоўнікі аддзела бібліятэказнаўства прынялі ўдзел у дыялогавай пляцоўцы «Нестацыянарнае культурнае абслугоўванне насельніцтва. Позірк у заўтра», дзе прайшло абмеркаванне проекта, былі вызначаны перспектыўныя накірункі развіцця нестацыянарных форм абслугоўвання насельніцтва ў сельскай мясцовасці.


































