
Усё пачынаецца з кахання
- Details
- Створана 15.02.2012 11:14
Афіцыйна Дзень закаханых існуе больш за 16 стагоддзяў, але ў нашай краіне яго сталі адзначаць не так даўно. Гэта рамантычнае свята прыйшло да нас з Заходняй Еўропы і паспяхова прыжылося. Святкаваць яго могуць і стары, і малады, бо каханне не мае межаў.
14 лютага супрацоўнікі сектара замежнай літаратуры і нямецкай чытальнай залы запрасілі прыняць удзел у святочным міні-праекце «Усё пачынаецца з кахання» сваіх чытачоў і калег.
Аб каханні сказана мільёны слоў і напісаны стосы кніг. Раманісты і паэты, кампазітары і мастакі ўзвысілі каханне да ўзроўню ўсёмагутнай сілы. Для аматараў любоўнага рамана была падрыхтавана кніжная выстава замежнай мастацкай літаратуры «Все начінается с любві», на якой былі прадстаўлены лепшыя творы аб каханні.

Праграма самага рамантычнага дня ў годзе была насычаная і разнастайная. Наведвальнікі чытальнай залы маглі пазнаёміцца з гісторыяй і традыцыяй святкавання Дня Святога Валянціна ў розных краінах.
Заханыя атрымалі інфармацыю аб сімвалах і атрыбутах рамантычнага свята і пазнаёміліся з гісторыяй з'яўлення паштовак-Валянцінак. Для тых, каму цяжка напісаць любоўнае пасланне, былі падрыхтаваны арыгінальныя тэксты віншаванняў.

Так ужо павялося, што шлях да сэрца мужчыны ляжыць праз яго страўнік. Для тых, хто збіраецца зрабіць незвычайную вячэру для дваіх, мы падзяліліся рэцэптамі і саветамі, як зрабіць гэты вечар незабыўным.Любы наведвальнік у гэты дзень мог паўдзельнічаць у віктарыне «Закаханае сэрца». У ёй актыўна прымалі ўдзел не толькі чытачы, але і супрацоўнікі бібліятэкі. Усе ўдзельнікі атрымалі сувеніры – каляндарыкы з Купідонам.

Працягнула праграму святочнага міні-праекта акцыя «Валянцін і Валянціна». Усе, хто носіць імя Валянцін або Валянціна атрымалі віншавальныя паштоўкі.



































