
Міжнароднае ўзаемадзеянне бібліятэкараў у захаванні прыроды і культурнай спадчыны
- Details
- Створана 06.08.2024 13:06
У І Міжнародным эколага-краязнаўчым даследчым форуме «Бібліятэка ў ЭКАфармаце» ў нацыянальным парку «Смаленскае Паазер'е» прыняла ўдзел намеснік дырэктара Віцебскай абласной бібліятэкі Вольга Камендантава.
Форум прайшоў з 31 ліпеня па 2 жніўня 2024 года і ўпершыню быў уключаны ў праграму XIII Летняга лагера сельскіх бібліятэкараў «Экатур па Смаленскім Паазер'і».
У рамках форуму прайшло абмеркаванне актуальных экалагічных праблем у фармаце дыялогу на тэму «Культурная і прыродная спадчына: роля і месца бібліятэк». Удзельнікі таксама прынялі ўдзел у конкурсе на лепшы экалагічны герб «Ведаць, каб захаваць», валанцёрскай акцыі ў Аптэкарскім садзе Дэндрапарку, прэзентацыі журналісцкіх нарысаў і сатырычных рэвю на экалагічную тэматыку. Акрамя таго, наведалі тэматычныя майстар-класы, мадэльны кастынг «Экалогія – гэта модна!» і дом-музей М. М. Пржэвальскага.
Арганізатарамі мерапрыемства выступілі Міністэрства культуры і турызму Смаленскай вобласці, НКА «Бібліятэчная Асацыяцыя Смаленскай вобласці», ДБУК «Смаленская абласная ўніверсальная навуковая бібліятэка імя А. Т. Твардоўскага» і АДКУ «Дырэкцыі асабліва ахоўных прыродных тэрыторый Смаленскай вобласці». Важнай часткай форуму стала ўвага да экалагічнай асветы ў рамках рэалізацыі абласной дзяржаўнай праграмы «Ахова навакольнага асяроддзя і рацыянальнае выкарыстанне прыродных рэсурсаў у Смаленскай вобласці». Гарадскія і сельскія бібліятэкі актыўна садзейнічаюць даступнасці экалагічнай інфармацыі і прыцягваюць увагу мясцовай супольнасці да пытанняў экалогіі і выхавання экалагічнай культуры.
Вольга Камендантава ў якасці аднаго з экспертаў форуму прадставіла даклад на тэму «Публічныя бібліятэкі Віцебшчыны і дзяржаўныя прыродаахоўныя ўстановы: з вопыту ўзаемадзеяння». Прафесійная сустрэча ў нацыянальным парку «Смаленскае Паазер'е» стала прадуктыўнай платформай для беларускіх і расійскіх бібліятэчных спецыялістаў, дала ўдзельнікам магчымасць атрымаць новыя веды, абмяняцца вопытам і наладзіць дзелавыя кантакты.


































