
Гульнявыя выхадныя «БиблиоДВИЖ»
- Details
- Створана 17.09.2024 07:26
14 і 15 верасня супрацоўнікі дзіцячага і юнацкага аддзелаў правялі разам са сваімі юнымі чытачамі гульнявыя выхадныя пад агульнай назвай «БиблиоДВИЖ».
Бібліятэкары падрыхтавалі мноства конкурсаў і гульняў, звязаных са светам літаратурных герояў, іх прыгодамі і свавольствамі. Уявіць сябе ў вобразе Залатой рыбкі або трохі пагарэзіць, як гэта рабіла старая Шапакляк, прымераць галаўны ўбор школы Хогвартс або паспрабаваць злавіць Царэўну-Лебедзь – гэтыя і многія іншыя заданні прыйшліся па душы кожнаму, хто не пабаяўся праявіць кемлівасць і адчуць сябе героем той ці іншай дзіцячай кнігі.
Салодкія прызы за ўдзел для ўсіх сталі прыемным сюрпрызам і выдатным завяршэннем святкавання Дня бібліятэк.


































