
Праект «Трэба разабрацца!, або Псіхалогія для ўсіх»
- Details
- Створана 17.01.2025 14:19
Першая сустрэча праекта «Трэба разабрацца!, або Псіхалогія для ўсіх» сабрала 16 студзеня ў нашай бібліятэцы ўсіх, хто цікавіцца псіхалогіяй і імкнецца разабрацца ў складаных пытаннях.
Псіхолагі Юлія Насенік і Таццяна Дробыш правялі захапляльны дыялог на тэму «Псіхалогія – не навука?», развенчваючы міфы і адкрываючы новыя гарызонты разумення гэтай важнай дысцыпліны.
Удзельнікі сустрэчы змаглі азнаёміцца з выставай выданняў па псіхалогіі, падрыхтаванай бібліятэкарамі аддзела абанемента. Бібліяграфічны агляд самых папулярных кніг стаў выдатным дадаткам да размовы.
На наступнай сустрэчы чытачоў чакае абмеркаванне актуальных тэм, якія хвалююць кожнага з нас, а таксама магчымасць задаць пытанні, падзяліцца сваім меркаваннем і атрымаць парады ад прафесіяналаў!


































