
Адкрыццё выставы тэатральнага плаката «Чэхаўская палітра»
- Details
- Створана 24.01.2025 13:51
Прэзентацыя выставы тэатральнага плаката «Чэхаўская палітра», прысвечанай 165-годдзю з дня нараджэння А. П. Чэхава – аднаго з найвялікшых класікаў не толькі рускай, але і сусветнай літаратуры, адбылася 23 студзеня ў абласной бібліятэцы.
Таленавітыя студэнты кафедры дызайну і моды Віцебскага дзяржаўнага тэхналагічнага ўніверсітэта запрашаюць акунуцца ў свет творчасці пісьменніка праз прызму сучаснага дызайну. Кожная работа на выставе – гэта інтэрпрэтацыя чэхаўскіх твораў, напоўненая глыбокімі філасофскімі ідэямі і эмацыйнымі выявамі. Пад кіраўніцтвам таленавітых куратараў Марыны Варахобка, Кацярыны Глусавай, Ірыны Кірылавай і Аляксандры Паповай студэнты праявілі свае навыкі і крэатыўнасць, ствараючы работы, якія натхняюць і прымушаюць задумацца. Дызайнеры прадэманстравалі сваё майстэрства і крэатыўнасць, візуалізаваўшы літаратурныя сюжэты і персанажаў так, каб яны ажывалі перад вачыма гледачоў.
Адмысловай увагі заслугоўваюць плакаты ўдзельнікаў і пераможцаў Міжнароднага фестывалю дызайну «Точка RU – Сибирь», які прайшоў у снежні 2024 года ў Новасібірску. Гэты фестываль стаў пляцоўкай для прызнання маладых дызайнераў, іх работы таксама можна ўбачыць на выставе.
Выстава працягнецца да 9 лютага.


































