
Дыялог і супрацоўніцтва: справаздачны сход прафсаюза работнікаў абласной бібліятэкі
- Details
- Створана 05.02.2025 16:05
Справаздачны сход пярвічнай прафсаюзнай арганізацыі ДУ «Віцебская абласная бібліятэка імя У. І. Леніна» Беларускага прафесійнага саюза работнікаў культуры, інфармацыі, спорту і турызму адбыўся 5 лютага ў актавай зале абласной бібліятэкі.
Са справаздачным дакладам пра асноўныя напрамкі работы прафсаюзнага камітэта і ключавыя мерапрыемствы за перыяд з 7 лютага 2024 года па 4 лютага бягучага года выступіла старшыня пярвічнай прафсаюзнай арганізацыі Вольга Лебедзева.
Таксама падчас сходу быў заслуханы даклад старшыні рэвізійнай камісіі пярвічнай прафсаюзнай арганізацыі Рэгіны Самахвалавай. Казначэй Алена Даўганава дала справаздачу пра выкананне каштарысу даходаў і расходаў пярвічнай прафсаюзнай арганізацыі за мінулы год.
У рабоце сходу прыняла ўдзел старшыня Віцебскай абласной арганізацыі Беларускага прафсаюза работнікаў культуры, інфармацыі, спорту і турызму Алена Сабірава. Алена Аляксандраўна дала высокую ацэнку дзейнасці пярвічнай прафсаюзнай арганізацыі бібліятэкі, звярнула ўвагу на неабходнасць развіцця ў бягучым годзе такіх важных напрамкаў дзейнасці як турысцка-экскурсійная работа і аздараўленне членаў прафсаюза.
Намеснік дырэктара бібліятэкі Вольга Камендантава ў сваім выступленні адзначыла высокі ўзровень сацыяльна-партнёрскіх адносін паміж наймальнікам і прафсаюзам, плённую дзейнасць прафсаюзнага актыву, нефармальны і адказны падыход да выканання грамадскай нагрузкі.
Удзельнікі сходу адобрылі работу прафсаюзнага камітэта за справаздачны перыяд, зацвердзілі справаздачу рэвізійнай камісіі, план работы прафсаюзнага камітэта на 2025 год. Быў ўдакладнены каштарыс даходаў і расходаў першаснай прафсаюзнай арганізацыі на 2024 год і зацверджана справаздача пра яе выкананне, а таксама зацверджаны каштарыс даходаў і расходаў першаснай прафсаюзнай арганізацыі на 2025 год.


































