
Падарожжа ў свет беларускай культуры
- Details
- Створана 03.04.2025 10:24
2 красавіка супрацоўнікі агульнай чытальнай залы падарылі маленькім даследчыкам незабыўныя ўражанні! Выхаванцы дзіцячага сада № 111 г. Віцебска адправіліся ў сапраўднае падарожжа ў свет беларускай культуры.
Першым этапам іх прыгоды стаў батлеечны спектакль «Выбар Прадславы». Дзеці даведаліся аб дзяцінстве святой Еўфрасінні Полацкай, пагрузіўшыся ў атмасферу старажытнай Беларусі. Яркія персанажы і захапляльны сюжэт не пакінулі нікога абыякавым, і дзеці з захапленнем сачылі за развіццём падзей на сцэне.
Пасля спектакля маленькія госці наведалі дзіцячы аддзел, дзе пазнаёміліся з багатай разнастайнасцю літаратуры для іх узросту. Бібліятэкары падрыхтавалі для іх мноства цікавых кніг, якія дапамогуць развіваць уяўленне і любоў да чытання.
Завяршэннем іх вандроўкі стала экскурсія ў выставачную залу «Ex Libris», дзе дзеці наведалі экспазіцыю «Дзівосны сусвет беларускай міфалогіі». Тут яны даведаліся пра незвычайныя і пацешныя міфалагічныя персанажы з беларускіх казак. Рабяты з цікавасцю слухалі гісторыі пра цуды і прыгоды, якія адбываюцца ў чароўным свеце беларускіх міфаў.
Бібліятэкары змаглі падарыць дзецям магчымасць дакрануцца да багатай культурнай спадчыны Беларусі. Спадзяемся, што гэты візіт натхніць іх на далейшыя адкрыцці!


































