
Абласны марафон «Дарогі Перамогі» аб'яднаў жыхароў рэгіёна вакол паэзіі пра вайну
- Details
- Створана 08.04.2025 15:20
Застаўся месяц да завяршэння абласнога марафону «Дарогі Перамогі», які арганізаваны Віцебскім абласным выканаўчым камітэтам і Віцебскай абласной бібліятэкай імя У. І. Леніна.
Ён прысвечаны 80-годдзю Перамогі ў Вялікай Айчыннай вайне і аб'яднаў жыхароў рэгіёна вакол паэзіі пра вайну.
Чытанне вершаў дапамагае лепш зразумець, наколькі важнай была Перамога для нашага народа. У асаблівай падзеі, старт якой даў старшыня Віцебскага аблвыканкама Аляксандр Субоцін, прынялі ўдзел прадстаўнікі Віцебска і Полацка, Оршы і Наваполацка, Докшыц і Лёзна, Дуброўна і Шаркаўшчыны, Ушач і Пастаў, Браслава і Талачына, Лепеля і Шуміліна, Расон и Верхнядзвінска. Арганізатары прынялі і размясцілі амаль 150 вершаў.
Сярод чытальнікаў – Валянціна Волкава, былы малалетні вязень канцлагера смерці Аўшвіц-Біркенау (Асвенцым-Бжэзінка), жыхарка г. Віцебска, і Ларыса Каім, вязень гета, чытачка ДУ «Віцебская абласная бібліятэка імя У. І. Леніна».
Марафон падтрымалі кіраўнікі і прадстаўнікі буйных устаноў і арганізацый – Аляксандр Бародзій, дырэктар УВП «Віцебская абласная друкарня»; Дзмітрый Кліманскі, першы намеснік генеральнага дырэктара, галоўны інжынер УП «Віцебскаблводаканал»; Анжэла Шпак, намеснік загадчыка (па медыцынскай частцы) гарадской бальніцы № 2 УА «Аршанская цэнтральная паліклініка»; Барыс Старавойтаў, начальнік аддзела лясной гаспадаркі і лесааднаўлення ДЛГУ «Віцебскі лясгас»; Вольга Баброўская, супрацоўнік установы «Віцебскае абласное ўпраўленне МНС»; Арцемій Васілевіч, супрацоўнік УК «Віцебскі абласны краязнаўчы музей»; Ірына Анацка, супрацоўнік ААТ «Мір паслуг Плюс» (г. Віцебск); Крысціна Шульчанка, супрацоўнік РУП «Віцебскэнерга».
Прадставілі свой удзел у творчым фармаце Надзея Гольнева, удзельніца тэатра «Эцюд» ДУА «Віцебскі гарадскі цэнтр дадатковай адукацыі дзяцей і моладзі»; Вераніка Аксёнава, удзельніца гуртка «Мікрафон» УА «Віцебскі дзяржаўны аграрна-тэхнічны каледж»; Паліна Зазыба, навучэнка ДУА «Сярэдняя школа № 2 г. Дуброўна імя Ю. Смірнова»; Ларыса Гаранькова, член клуба «Надзея» Андрэеўшчынскай сельскай бібліятэкі-клуба ДУК «Аршанская цэнтралізаваная бібліятэчная сістэма»; Яна Размыслова, удзельнік аб'яднання па інтарэсах «Лидер.by» ГУДА «Палац дзяцей і моладзі г. Наваполацка»; Антон Бубала, удзельнік калектыву аматараў мастацкага слова «Свой голас» (г. Верхнядзвінск); Алена Каленціёнак, педагог-арганізатар ДУА «Кастрычніцкая сярэдняя школа Віцебскага раёна імя Героя Савецкага Саюза І. П. Собалева».
Некаторыя ўдзельнікі аб'ядналіся, каб выступіць разам: навучэнцы УА «Наваполацкі дзяржаўны політэхнічны каледж», прадстаўнікі Маладзёжнага савета філіяла «Полацкае вытворчае ўпраўленне» УП «Віцебскаблгаз», вучні ДУА «Старалядненская базавая школа імя Ф. П. Занько Лепельскага раёна», калектыў народнага ансамбля песні і музыкі «Сузор'е» ДУА «Сярэдняя школа № 1 г. Наваполацка»; іншыя.
Самымі актыўнымі на дадзеным этапе з'яўляюцца вучні ДУА «Сярэдняя школа № 2 г. Віцебска імя Ф. Ц. Блахіна», ДУА «Гімназія № 5 г. Віцебска імя І. І. Люднікава», ДУА «Сярэдняя школа № 11 г. Віцебска імя М. М. Бахціна», ліцэя ВДУ імя П. М. Машэрава г. Віцебска, а таксама чытачы і супрацоўнікі сельскіх бібліятэк Аршанскага раёна.
Акрамя папулярных і малавядомых вершаў прызнаных майстроў слова, у марафоне ўдзельнічаюць творы сучасных паэтаў-аматараў у аўтарскім прачытанні Дзіны Багдановіч, жыхаркі аграгарадка Бабінавічы Лёзненскага раёна; Міхаіла Лаўрэева, члена музычна-літаратурнага аб'яднання «Каларыт» Дома культуры ДУК «Раённы цэнтр народнай творчасці і культурна-дасугавай дзейнасці Дубровенскага раёна»; Вольгі Івановай, супрацоўніцы ДУ «ТЦСАН Кастрычніцкага раёна г. Віцебска»...
Віцебская абласная бібліятэка прымае кароткае відэа ў выглядзе спасылкі і заяўку на ўдзел у марафоне «Дарогі Перамогі» да 1 мая 2025 года на пошту: Этот адрес электронной почты защищен от спам-ботов. У вас должен быть включен JavaScript для просмотра. . Усе прыдатныя па параметрах ролікі ўжо размешчаны на YouTube-канале бібліятэкі. Таксама можна падзяліцца сваім відэа ў сацсетках з хэштэгам #дарогіперамогі #дорогипобеды
Відэаролікі, размешчаныя на YouTube-канале бібліятэкі, будуць выкарыстоўвацца на абласных мерапрыемствах, прысвечаных 80-годдзю Вялікай Перамогі.


































