
Прэзентацыя кніг Аляксандра Бараноўскага і Антона Юпатава
- Details
- Створана 14.04.2025 11:10
10 красавіка ў бібліятэцы ў рамках цыкла «Краязнаўчыя сустрэчы» адбылася прэзентацыя кнігі вядучага навуковага супрацоўніка Інстытута гісторыі Нацыянальнай акадэміі навук Беларусі, кандыдата гістарычных навук, краязнаўцы Аляксандра Бараноўскага і вядучага архівіста Дзяржаўнага архіва Віцебскай вобласці, краязнаўцы Антона Юпатава «Яны кіравалі Сенненшчынай».
Стваральнікі новага краязнаўчага выдання расказалі пра работу над ім, пра некаторых персаналіях, прадстаўленых у кнізе.
Таксама быў прэзентаваны зборнік навуковых артыкулаў «Бешанковіцкі край: гісторыка-культурная спадчына рэгіёна», які выдадзены НАН Беларусі ў серыі «Беларусь праз прызму рэгіянальнай гісторыі» і прысвечаны 100-годдзю ўтварэння Бешанковіцкага раёна. Аляксандр Бараноўскі нагадаў пра цікавыя даследаванні, што змешчаны ў зборніку, а Антон Юпатаў прывёў некаторыя звесткі са свайго даклада, прысвечанага буйному пажару ў Бешанковічах. Аляксандр Бараноўскі перадаў у фонд бібліятэкі асобнік зборніка «Бешанковіцкі край: гісторыка-культурная спадчына рэгіёна».
У прэзентацыі выданняў прыняў удзел дырэктар Інстытута мовазнаўства імя Якуба Коласа НАН Беларусі Ігар Капылоў, які павіншаваў усіх з выданнем новых кніг пра Віцебшчыну.
На прэзентацыі прысутнічалі прадстаўнікі Дзяржаўнага архіва Віцебскай вобласці, Бешанковіцкага раённага гісторыка-краязнаўчага музея, Бешанковіцкай цэнтральнай раённай бібліятэкі, краязнаўцы, чытачы бібліятэкі.


































