
Канферэнцыя, прысвечаная 80-годдзю Перамогі ў Вялікай Айчыннай вайне
- Details
- Створана 17.04.2025 14:17
15 красавіка ў бібліятэцы адбылася канферэнцыя, прысвечаная 80-годдзю Перамогі ў Вялікай Айчыннай вайне.
Арганізатары канферэнцыі – Віцебская абласная арганізацыя ГА «Беларускі саюз ветэранаў вайны ў Афганістане», Віцебская абласная арганізацыйная структура Беларускага таварыства «Веды», Віцебская абласная бібліятэка імя У. І. Леніна.
Пытанні захавання гістарычнай памяці, праўды пра Вялікую Айчынную вайну, генацыд беларускага народа, праблема рэабілітацыі нацызму ў сучасным свеце падымаліся ў выступленнях галоўнага спецыяліста галоўнага ўпраўлення ідэалагічнай работы і па справах моладзі Віцебскага аблвыканкама Андрэя Бялецкага, старшыні Віцебскай абласной арганізацыі ГА «БСВВА» Валяр'яна Мацкевіча, першага намесніка старшыні праўлення Віцебскай абласной арганізацыйнай структуры Белорускага таварыства «Веды» Наталлі Ткачовай, лектараў таварыства «Веды» – выкладчыка Віцебскага дзяржаўнага ўніверсітэта Таццяны Сафонавай і настаўніка гісторыі гімназіі № 7 г. Віцебска імя П. П. Кандраценкі Віктара Ліпскага.
Намеснік дырэктара дзяржаўнага архіва Віцебскай вобласці Таццяна Буевіч расказала пра праект «Адкрыты кінаархіў. Гэты дзень мы набліжалі як маглі», пасля чаго была прадэманстравана дакументальная стужка «История Великой Победы».
Супрацоўнікамі бібліятэкі была наладжана выстава-прагляд «Святло Вялікай Перамогі».


































