
Азбука на ўсе часы: гісторыя славянскага пісьменства і культуры
- Details
- Створана 28.05.2025 10:21
Што такое пісьменнасць? Гэта мост, які злучае пакаленні, народы і эпохі. Праз напісаныя радкі мы размаўляем з мінулым, адчыняем новыя гарызонты і спазнаем саміх сябе. Менавіта таму Дзень славянскага пісьменства і культуры становіцца сапраўдным святам ведаў і натхнення!
Інтэрактыўны занятак «Азбука на ўсе часы» адкрыў перад вучнямі сярэдняй школы №2 г. Віцебска імя Ф. Ц. Блахіна дзіўны свет старажытнага пісьменства, прымусіўшы адчуць дух мінулых стагоддзяў і адчуць важнасць кожнага знака.
У захапляльным падарожжы па старонках гісторыі 26 мая школьнікі даведаліся факты з біяграфіі святых братоў-асветнікаў Кірылы і Мяфодзія, чым «кірыліца» адрозніваецца ад «глаголіцы», што азначае выраз «прапісаць іжыцу», як даўней стваралі кнігі, хто выдаў першую друкаваную «Азбуку» і ў якой краіне з'явілася першая кніга з назвай «Буквар».
Дзеці з задавальненнем разгадвалі зашыфраваныя пасланні, адказвалі на пытанні віктарыны, разважалі над старадаўнімі прыказкамі і прымаўкамі.
Самыя дапытлівыя нават паспрабавалі стаць сапраўднымі шкалярамі XVII стагоддзя, параўнаўшы старадаўні буквар з сучаснымі падручнікамі і дакрануўшыся да ўнікальнага асобніка выдадзенага пад Оршай «Буквара» Спірыдона Собаля, факсіміле якога захоўваецца сярод соцень іншых унікальных выданняў у аддзеле рэдкай кнігі абласной бібліятэкі.


































